MOHAANGI 3:37 - KITAB NU TUMPU ALLA LELE MA'IMAI'

³⁷ De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

MOHAANGI 3:37 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

1 TOMU-TOMUNDO' 22:34

Madi' sinangka-sangka samian na suludadu nu Siria nompana'akon pana'nyo pa' moya na ahopnyo anu kahanda' nu pana'. Padahan hihis nu pana'nyo aijo' nongkonamo i Ahab, kinotopnyomo na baju' anu pinusoknyo mahampate, kinonanyo i pompaha kaitannyo, “Aku kinonaonmo!” na koonyo i Ahab hi anu mompojalan karetanyo. “Pobalikmo ka' boamo na aku, pala'imo na tampat pahampatean aiya!”

2 TOMU-TOMUNDO' 6:33

Ma'isa pe'e ilapas na i Elisa notatae, i tomundo' tinokamo i kiijo' ka' nompoto'i, “Kasusa'an aiya, balaa' nu Tumpu hi kita! Jadi daagi' apaa na gunanyo aku montaha'imani da nu tulungi mae?”

AYUB 10:13

Panyo uuka aiya sinumbu'kumo, taalu' tempo'nyo aitu, hoko-hokot lewa'mo i niat nu Belento na kasilakanku.

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

NOSABATMO 10:10

Notataemo na i tomundo, “Madi' aku mompobee' belemiu momboa to bou-boune ka' to ana-anak nu belemiu! Anu opoita nu belemiu atina' pokakanamo belemiu monggagan da aku momoita hi Tumpu mombalakati belemiu. Sinumbu'kumo na belemiu taalu' ko tanga'an ma'idek.

AMSAL 16:9

Manusia timbali mombau tanga'an; panyo Tumpu Allah na montantukan jalan nu kantumuu'annyo.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

ROMA 9:15

Kalana Tumpu notatae hi Musa, “Aku mompotoaje balakat hi mian anu Ku kahanda'i pompotoan balakat, ka' Ku potoaje na kalibosan hi mian anu Ku kahanda'i pompotoan kalibosan”.

EFESUS 1:11

Tumpu nombau iwi-iwi' apaa posi pongka'oho'-Nyo ka' posi kaputusan-Nyo. Salatanmo pe'e imoonanyo Ia nompile'imo kita kalana Ia mongkahanda'i da kita timbali mian anu palesayamo kalana mosa'angu'mo tiba i Kristus.