MOHAANGI 3:36 - KITAB NU TUMPU ALLA LELE MA'IMAI'

³⁶ kalana ka'adilan gineo-geo'akonmo ka' nu palahatikan tantu nu sumbu' nu Tumpu.

MOHAANGI 3:36 ပူးပေါင်းရင်းမြစ်များ

2 SAMUEL 11:27

Salatan ilapasmo na adat nu tomate sinaimo i Daud na mian namba nolaga boune aijo' da toka mae i laigan nu tomundo' kaka jojoongannyo ka' ingosoannyomo na ia. Tino pia-piangkuka na bitu'on ihampemo na anaknyo, anak aijo' mo'ane. Panyo madi' nu ka'ima'i nu Tumpu na palabuatan i Daud aijo'.

MAZMUR 94:5

Aha lewa'mo nonsakisa mian anu pinalesayamo hi belento, o, Tumpu, ka' nompateimo to mia-mian anu pinile'anmo nu belento.

AMSAL 24:12

Timbali na beleyum motatae, “Atina' misa' ulusanku.” Panyo Tumpu Allah mompalahatikan beleyum. Ia na monsumbu' ka' momputusi pikilan nu beleyum. Ia mombalosakon manusia sitimbang palabuatannyo.

YESAYA 59:15

Madi'mo ko mian anu hodi' na kinyonyoanyo, ka' ihe na anu mati kojo'onmo ipalabuatan ma'idek, posi ia na montanggungi palabuatan anu ma'idek.” Tinoamo nu Tumpu, ka' madi' sanang na Ia, taalu' madi'mo daagi' ko ka'adilan.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

MOHAANGI 3:59

Belento nontoamo palabuatan ma'idek anu binaumo hi belengku, tanga'an ma'idek nu sampobali anu mongka'ideki mae aku. Kalana aijo', o Tumpu, tinjohiakon mae na palakalangku,

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.