MOHAANGI 3:32 - KITAB NU TUMPU ALLA LELE MA'IMAI'

³² Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

MOHAANGI 3:32 ပူးပေါင်းရင်းမြစ်များ

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

MAZMUR 103:11

Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YESAYA 54:7

“Ola sasaingoni' na aku mompala'i beleyum; po'ule Ku ala na beleyum kalana okalibosi hondo.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

MOHAANGI 3:22

Liibos nu Tumpu madi' toho' mingkot, balakatnyo madi' toho' mingkot,

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

NAHUM 1:12

Sahingga notataemo na Tumpu hi aha Israel mian-Nyo anu pinalesayamo, “Maumo aha to mia-mian nu Asyur aijo' mahoson ka' konjoo'nyo da'isan panyo aha ohansunimo lantas mingkotmo. Binaung-Kumo na belemiu da sinansala panyo Aku madi'mo mombau mule' sumo aijo'.

LUKAS 15:20

Saba' ia nolengkat ka' ninsusule' hi tuumanyo. Daagi' jo'o-jo'on aijo' mae i laigan, ia tinoamo nu tuumanyo. Liibos nu tuumanyo tahahumo, nopadeka' nonsingkaboti, lantas nontanggogoli ka' nongooki ia.

TO MIA-MIAN KOPIAN 10:16

Lapas aijo' ingalinmo nu aha iwi-iwi' na patong bapilogotan, lantas nonsombahmo Tumpu Allah. Sahingga Tumpu Allah nolibosmo na nontoa aha i uno nu kasansala'an aijo'.