MOHAANGI 3:24 - KITAB NU TUMPU ALLA LELE MA'IMAI'

²⁴ Tumpu aijo'mo na halatangku. Kalana aijo', aku taha iman hondo hi ia.

MOHAANGI 3:24 ပူးပေါင်းရင်းမြစ်များ

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

AYUB 22:25

Anumo Daka' na kuasanyo na timbali mosoni' nu beleyum, ka' salaka nu beleyum anu ma'ima' hondo.

MAZMUR 119:57

Olamo Belento na ku ka'ima'i o, Tumpu aku balajanji' mombau pangajalan nu Belento.

MAZMUR 130:7

Tumpumo ahi' na otaha'imani o mian anu pinalesayamo hi Ia, kalana Ia sabole-boleh mongkalibosi, ka' saja' sadia momposalamat.

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

MAZMUR 16:5

O Tumpu, olamo Belento na anu daagi' aiya hi belengku; Belento na mombee' mae iwi-iwi' anu ku palalui, kantumuu'anku pa' mosia itina' kongko-kongkom i lima nu Belento.

MAZMUR 31:24

Ka'ima'i na Tumpu o iwi-iwi' na mian anu palesayamo hi Ia, Tumpu na monjagai mian anu tulu-tulutan hi Ia. Panyo mian anu takabun na Nu hukum ahi' madi' ka' madi'.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:5

Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 43:5

Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

MAZMUR 71:14

Panyo aku na saja' ahi' montaha'imani Belento, ka' lebe saja'mo ahi' mompuji' Belento.

MAZMUR 73:26

Maumo ahi' santuu'ku ka' butongku madi'mo moko ala mombau apa-apaa, Belento na timbali bau kahosonanku, o, Tumpu; Belento na anu talalo ku taha'imani sampe toka sidu-sidutu' molingkudui iwi-iwi' apaa na anu daagi' hi belengku.

MAZMUR 84:12

Kalana Tumpu na monjagai kita ka' tomundo' anu talasanggo hondo, anu mongkalibosimo mae kita ka' i hangkatnyomo na sanggonto. Ia saja' montalima maumo pa'apaa asan anu ma'ima' na opoita kona hi mian anu kantumuu'annyo madi' ko anu ma'idek.

MAZMUR 94:19

De kinyonyoangku bata-batamo ka' mangada'mo Belentomo na mohase' mae ka' mompolame' aku.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 51:19

Tumpu Allah i Yakub madi' sumo pilogot haha aijo'; Ia na nompotimbali sinin na apa-apaa. Sanggo-Nyo aijo'mo Tumpu Anu Mahakuasa Pinile'an-Nyomo na Israel binau mian anu palesayamo hi Ia.

MOHAANGI 3:21

Maumo sumo aijo' po'ule'mo ahi' kutaha' imani salatan aku nonginau'mo han aiya;

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

ROMA 15:12

Ka' aiya suele na anu tinaloakonmo i Yesaya, “Lengkat mae hi lee' i Isai tokaje na sala'samian anu mompalentah to bansa-bansa; hi Ia na bau kataha'imanan nu to bansa-bansa.”

PO'ULE' INGULIT 18:2

Aha madi' timbali ko tano' susumo tulunan nu bansa sangga'at kalana Tumpumo na bagian nu aha susumo anu jinanji'mo nu Tumpu hi aha.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.