MOHAANGI 3:2 - KITAB NU TUMPU ALLA LELE MA'IMAI'

² Nompaka pajo'onmo na aku i hela'-Nyo namba i tampat anu pikat hondomi'.

MOHAANGI 3:2 ပူးပေါင်းရင်းမြစ်များ

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

AYUB 30:26

Aku mongima-imani ka'ima'an nu kantumuu'an ka' jingka, panyo kasusa'an ka' pikat na tinokamo mae.

YESAYA 59:9

Bansa aijo' notataemo hi Tumpu, “Uuka aiya sinubu'mo mami kadaka' Belento madi' nomposalamat mae kami da madi'mo nu sakisa nu to mia-mian anu nongkabisa'imo mae kami. Kami montanda'imo jingka, panyo anu daagi' ola kapintungan.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 4:23

Sasu aiya idunia tinanggalakonku, ka' tinoangku ilongkangmo ka' kinantisanmo, sasu mokiita' ilangit sinindangku, paya', madi'mo najingka.

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

PO'ULE' INGULIT 28:29

Sonsu'un na sinaa belemiu me lewa' mahakanyangan susumo mian anu napisokmo, panyo madi' mohumpak jalan. Iwi-iwi' na anu obau nu belemiu madi'mo ko anu timbali. Belemiu me saja' osansalai ka' obulingi, ka' madi' ko anu montulungi belemiu.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.