MOHAANGI 3:17 - KITAB NU TUMPU ALLA LELE MA'IMAI'

¹⁷ Pininmo na aku madi' mongoa'i ka'ima'an; madi'mo sinumbu'ku pa' mosia na mongoa'i kabilahian.

MOHAANGI 3:17 ပူးပေါင်းရင်းမြစ်များ

KAJADIAN 41:30

Lapas aijo' tokaje mule' popitu' na taun na kakulangan i anu okaan ka' tempo' nu kasanangan aijo' okolilimimo hondo kalana tempo' nu kakulangan aijo' pin hondo, sahingga lipu' aiya mapenggesmo.

AYUB 7:7

Inau'akon mae, O Tumpu Allah, kantumuu'anku ola sumo anu opuhakon nu sawo; kasananganku pa' noyamo madi'mo tinoa-toa.

MAZMUR 119:155

Mian anu ma'idek na kinyonyoanyo madi' oposalamat, kalana madi' tulu-tulutan hi atulan nu Belento.

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YESAYA 59:11

Kami nabuhukmo ka' sinusa'mo; kami molio ka'adilan, panyo imadi'an; kami montaha'imani kasalamatan, panyo ola ahi' pinalasuma.

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 8:15

Ola palasuma na kita montaha'imani paladamean ka' da ma'alin na opakuli'i kalana aiya anu daagi' olanyomo ahi' kasinggian.

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

ZAKHARIA 8:10

Naipuan mae ma'isa pe'e ko anu noko ala nontamboi mian kabai binatang na mokalaja ka' mule' madi' ko anu mongoa'i ka'amanan, ka' mule' sampobali' anu mongganggu. Aku nonsabungmo aha samian tiba samian.