MOHAANGI 2:9 - KITAB NU TUMPU ALLA LELE MA'IMAI'

⁹ Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

MOHAANGI 2:9 ပူးပေါင်းရင်းမြစ်များ

2 TOMU-TOMUNDO' 25:7

To ana-anaknyo pinateanmo i ahopnyo. Lapas aijo' i Zedekia binoamo ka' kinubetakonmo na matanyo, lantas pinungumo nu lante' besak ka' binoamo i Babel.

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

YESAYA 24:12

Kota' nohintutumo ka' sabatannyo anu toto daka-daka' nohobo'mo ka' mule' notanatamo.

YEREMIA 14:14

Panyo tinaaman nu Tumpu, “Nabi haha aijo' nompoto'imo anu madi' totu'u kalana notataemo nomboa mae atas sanggong-Ku; Aku na madi' ahi' nonsai mae aha ka' madi' mule' ahi' nombee'i mae palentah kabai nompoto'i hi aha. Apa-apaa na anu tinoamo nu aha sisinisikmo nu aha na misa'ahi' lengkat mae hi beleng-Ku; aha nongkila-kilamo hahan anu jadi aiya mae i ahop, aijo' anu madi' kokaliangannyo, ola anu pinosi kuku nu aha ipala.

YEREMIA 23:16

Kona hi aha mian anu jojoong i Yerusalem, Tumpu Anu Balakuasa notataemo, “Boli mompotombihing potatae nu to nabi-nabi anu ola mompoto'i hahan anu otaha'imani padahan ola lekos. Aha ola mompoto'i posi pikilan anu nu potutugakon nu aha misa' ahi' potuunon-Ku.

YEREMIA 39:2

Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEREMIA 51:30

Suludadu nu aha Babel binelentimo nahampate ka' jinojoongmo ibenteng-benteng. Aha madi'mo daagi' kinokabaaniannyo ka' madi'mo daagi' noko ala nombau apa-apaa. Iwi-iwi' na sabatan daka' nu kota' pinaha tobahanmo, ka' iwi-iwi' na laigannyo nu aha pinaha papuanmo.

YEREMIA 52:14

Lantas iwi-iwi' na suludadunyo nohobo'akonmo iwi-iwi' na pagan mesen nu kota' aijo'.

MOHAANGI 1:3

Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

YEHEZKIEL 12:13

Panyo buani'-Ku, Ku buani'akonmo bau pohakop ia. Lantas ku boamo na ia ikota' Babel ka' ikiijo' mae ia silakamo padahan madi' montoa kota' aijo'.

YEHEZKIEL 17:20

Ku sambuangakonmo na buani bau pohakop ia. Ia Ku boamo i Babel ka' Ku hukumo kiijo' mae kalana ia madi' tulu-tulutan hi beleng-Ku.

YEHEZKIEL 7:26

Balaa' tiba lele ma'idek saja'mo toka mae hi aha. Belemiu mongkakasemo da to nabi-nabi mongkila-kilamo pa' apaa na jadi saidi' mae panyo aha madi' ahi' moko ala. Ka' suele aha to ima-imam madi'mo daagi' ko apa-apaa anu opogulu'akon hi aha mian, ka' mule' to pola-polaya' iningkotmo na pokinde' nu aha.

HOSEA 11:6

Pahampatean mompaka sidamo sampe toka-toka i uno nu kota' nu aha iwi-iwi', Tumban nu sabatan daka' o ideimo ka' mian-Ku anu palesayamo ohopu'imo. Aijo' jadimo saidi' mae kalana aha nosi baumo posi pongka oho' nu aha,

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

AMOS 1:5

To saba-sabatan daka' nu Damsyik Ku ideimo ka' mian anu jojoong i Hatanyo nu Awen Ku sapuimo iwi-iwi' i tampat anu jojoongan nu aha. Anu mongkuasai Bet-Eden, Ku tau'akonmo i suhangannyo, ka' mian anu jojoong i Siria ohakopmo ka' oboamo mamba i Kir.”

PO'ULE' INGULIT 28:36

Belemiu ka' tomundo nu belemiu nuboamo nu Tumpu i lipu' nu mian anu i salipu'an anu madi' osumbu' nu belemiu ka' suele madi' osumbu nu mompolee' miu. Ikiijo' mae belemiu mompalesayamo to pilo-pilogot anu kau' ka' batu na binau.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.