MOHAANGI 2:6 - KITAB NU TUMPU ALLA LELE MA'IMAI'

⁶ Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

MOHAANGI 2:6 ပူးပေါင်းရင်းမြစ်များ

MAZMUR 74:7

Laigan nu Belento pinapuanmo nu aha sahingga no'angotmo; ka' nahumimi'imo na tampat ponsomban Belento.

MAZMUR 76:2

Tumpu tinalasanggomo i Yehuda, sanggonyo tinogilelemo i Israel.

MAZMUR 80:12

Panga'nyo toto ise-ise' nantademo manta-mantan tinoka-tokamo i Ambai anu i Totonga'nyo, iwi-iwi' na londeknyo tinoka-tokamo i Kaunyo nu Efrat.

MAZMUR 89:40

Madi'mo kupojadi na palajanjian nu Belento hi posaihon nu Belento, makota'nyo i lumbu'akonmo nu Belento i uno nu hensek.

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 1:8

Ola Yerusalem na madi' ingidean, panyo susumo kota anu tinumbuhan mo, ka' madi'mo noko ala gawe, susumo tahop i ale' nu anggur ka' tahop i ale' nu kantimun.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 63:18

Kadaka' Nu pojohokmo na sampobali' mompahampeja'akonmo Laigan nu Belento, ka' to mia-mian mohumimi'imo puge'nyo nu Belento anu susi'?

YESAYA 64:11

Laigan nu Tumpu anu susi' ka' mule' talasanggo, tampat nu mompolee' mami sola' mompuji' Belento, tinanggotanmo nu apu; iwi-iwi' na tampat anu oka'ima'i mami singkapmo na'idek.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 4:16

Tumpu madi'mo daagi' mompalahatikan mian-Nyo anu palesayamo; posi ia mo na nongga'a-ga'atakon aha ka' nombau to ima-imam madi'mo daagi' o'angga'i; to pola-polaya' madi'mo ko anu mongkalibosi.

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

MOHAANGI 5:12

To pola-polaya' mami i hakopmo ka' pinokalayo' to tu'a-tu'anyo mami madi'mo daagi' iholomatan.

YEHEZKIEL 17:18

Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

ZEFANYA 3:18

Kalana belemiu Ia ilame'mo, susumo mian anu hau-haunyo nombau-bauonmo.” “Balaa' anu nontuda'imo belemiu madi'mo po ule' Ku potoka mae. Kasala'an nu belemiu ihapus-Kumo.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”