MOHAANGI 2:4 - KITAB NU TUMPU ALLA LELE MA'IMAI'

⁴ Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

MOHAANGI 2:4 ပူးပေါင်းရင်းမြစ်များ

2 TAWARIKH 34:21

“Lako' mamba pokilawa hi Tumpu na aku aiya pa' mosia ka' suele pa' mosia na to mia-mian anu daagi' kiijo' i Yerusalem ka' i Yehuda mongkona isi nu kitab aiya. Tumpu nontambuha'imo kita kalana mompolee'to madi'mo nombau iwi-iwi na palentah anu tuli-tulis i kita aiya.”

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

AYUB 19:11

Pusa nu Tumpu Allah hi belengku nompaka moakmo; aku sinangka-Nyomo sumomo sampobali'-Nyo.

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

MAZMUR 37:14

Mian anu ma'idek na kinyonyoanyo mongkeatmo bajaknyo ka' mompeletakonmo pana'nyo da opateimo na mian anu kasiasi ka' anu kantumuu'annyo sansala, da okolotmo na mian anu kantumuu'annyo ma'ima.

MAZMUR 7:13

De maluanyo kalakuan nu aha madi' mongabali' saba' Ia nompotoukamo toongon anu bau pompatei. Ia nomboitmo bajak-Nyo ka' kahanda'mo ahi' mompeletakon pana'-Nyo lantas nompeletakonmo hihis-Nyo iwi-iwi' anu ko apunyo.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YESAYA 63:6

I uno nu tambuha'-Ku anu talalomo hondo, Ku pahampeja'akonmo na to bansa-bansa; Ku silakaimo na aha, ka' baso' nu aha Ku bubusakonmo i tano'.”

YEREMIA 10:20

Kemah mami na'idekmo tiba kahohon bau pompuuti singkapmo nobotu'. Madi'mo daagi' ko anu moko ala mombau kemah ka' mompaha pokona hudenyo kalana to ana-anak nambamo.”

YEREMIA 21:5

Akumo ahi' na mompahampateakon belemiu tiba kahosonan anu memang ahi' mahosonmo totu-totu'u, kalana tambuha' anu taha-tahahumo.

YEREMIA 30:14

Iwi-iwi' na anu mongka'ima'i beleyum nongkolilimimo beleyum; aha madi'mo daagi' mompotutugakon beleyum. Susumo sampobali' tinumbuhan-Kumo ka' nohukumo belemiu pinosansala hondo. Kalana nanjoo'mo na dosa' nu belemiu ka' dinakamo hondo na kasala'an nu belemiu.

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

MOHAANGI 3:3

Pino'uli-ulit-Nyo na aku binobotan-Nyo, sinansinaa madi' kino kalibosan-Nyo.

MOHAANGI 4:1

Mosoni' anu jongkilaban madi'mo jinongkilaban iwi-iwi na batu i laigan nu Tumpu Allah nodaya-dayamo i jalan.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 13:13

Tumpu Anu Matangkas na Kuasanyo notatae, “De Aku motambuha'mo, Ku potokamo mae na baleba' anu makansang hondo, ujan anu daka' hondo ka' mule' ujan eis da mohansunimo pagan mesen haha aijo'.

YEHEZKIEL 22:22

Susumo salaka ohansunimo i uno nu ponsuangan, sumo aijo'mo na aha ohansunimo kiijo' i Yerusalem. Sahingga nu sumbu'je nu aha taalu' Akumo ahi' na Tumpu anu nompotudunmo tambuha'-Ku hi aha.”

YEHEZKIEL 24:25

Tumpu notataemo mae hi belengku, “Jadi manusia anu madi' tumuu' batu, Ku alamo na Laigan-Ku anu maho-mahoson hondo aijo' hi aha nu takabunakon nu aha ka' anu tiimbalimo kasanangan nu aha ka' lewa' nu tonto'i nu aha ka' mule' sanang na kinyonyoa nu aha mamba mokiijo'. Lantas suele Ku alamo ahi' na to ana-anak nu aha.

YEHEZKIEL 36:18

Pinotudun-Kumo na tambuha'-Ku hi aha kalana aha nombaumo kalakuan anu ma'idek manjoo' hondo aijo'mo aha sola'mo nompatei mian itano' aijo' ka' mule' nohumimi'imo butong nu aha nu pilogot nu aha haha aijo'.

YEHEZKIEL 5:13

Beleyum mongoa'imo tambuha'-Ku anu taha-tahahumo ka' mule' Aku mangamu'mo sampe Aku puasmo. Salatan iwi-iwi' aijo' jadimo atina'je ka beleyum palesaya taalu' Akumo ahi' na Tumpu anu notataemo hi beleyum kalana Aku notambuha'imo beleyum madi' tulu-tulutan.

YEHEZKIEL 6:12

Aha iwi-iwi' mongoa'imo tambuha'-Ku anu taha-tahahumo. Aha tomia-mian anu majo'on kiijo' mae i pinomboan ka' pinompojoongan masakitmo lantas silakamo; anu aiya ohani silakamo kalana mahampate, ka' tuha'nyo silakamo kalana madi'mo ko anu okaan.

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

1 SAMUEL 28:16

Lantas notataemo na i Samuel, “Apaa na gunanyo beleyum daagi molaga mae aku, padahan Tumpu nompala'imo beleyum ka' tinimbalimo sampo bali' nu beleyum?