MOHAANGI 2:3 - KITAB NU TUMPU ALLA LELE MA'IMAI'

³ I uno nu kapusan-Nyo anu tala-talalomo kino suhu-suhut kahosaonan nu Israel binau-Nyomo da pinatundu'mo Salatan kita tinumbuhanmo nu sampobali' Ia madi'mo nontulungi. Susumo apu binanyela-nyelakmo anu nontoyo'imo apa-apaa sumo aitumo na tumpu nontambuha'i kita iwi-iwi'.

MOHAANGI 2:3 ပူးပေါင်းရင်းမြစ်များ

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

AYUB 16:15

Aku nompusokmo kalung salaku tanda sinusa'mo hondo, ka' sinumuhangmo i abu' kalana pinatundu'mo.

MAZMUR 132:17

I aiyamo na lee' i Daud samian, Ku potimbalimo tomundo'; kapalentahannyo Ku potataapmo.

MAZMUR 74:11

Kadaka' Belento madi'mo montulungi mae kami? Kadaka' Belento nompojohokmo mae kami?

MAZMUR 75:10

Panyo aku sabole-boleh saja' mombebakon Tumpu i Yakub, monyanyi, nyanyian anu bau pompuji' Ia.

MAZMUR 75:5

Kona hi mian anu lewa' buulon, Ku taloakonje da bolimo daagi' lewa' buulon.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 89:24

Iwi-iwi' na anu monsampobali' ia Ku pateimo, Ku patei maumo pa' ihe na anu mongka'ideki ia.

MAZMUR 89:46

Ka'umolitauannyo kinodo'anmo nu Belento, ka' kinulubanmo nu Belento na ia nu ambang.

YESAYA 1:31

Susumo hat motoyo'mo ola kalana bohotika' nu apu, sumo aijo'mo na aha anu balakuasa saidi' mae posi palabuatanmo nu aha ma'i-ma'idek na monsilakai aha, ka' madi'mo o anu moko ala mompobelenti han anu hansunmo aijo'.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 48:25

Kahosonan nu Moab pinato'anmo ka' mule' kakuasa'annyo ihansunanmo Aku, Tumpu, notataemo.”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 13:13

Tumpu Anu Matangkas na Kuasanyo notatae, “De Aku motambuha'mo, Ku potokamo mae na baleba' anu makansang hondo, ujan anu daka' hondo ka' mule' ujan eis da mohansunimo pagan mesen haha aijo'.

YEHEZKIEL 7:14

Tolompet ingumonyi'mo ka' iwi-iwi' na mian nosadiamo. Panyo mau pe'e samian madi' ahi' ko anu namba nahampate itampat pahampatean, kalana tambuha' nu Tumpu nongkonamo iwi-iwi' na mian.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

LUKAS 3:17

I lima-Nyo ko kiapan bau pontapii ingko-ingkot na gandum sampe belesi'. Gandum Nu posa'angu' i uno nu alang, panyo iwi-iwi' na ota'nyo Nu papui i uno nu apu anu madi' ko kapateannyo!”

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.