MOHAANGI 2:2 - KITAB NU TUMPU ALLA LELE MA'IMAI'

² Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

MOHAANGI 2:2 ပူးပေါင်းရင်းမြစ်များ

AYUB 2:3

Pinokilawa nu Tumpu, “Pa' totu-totu'u tinoamo nu beleyum na mian-Ku i Ayub? I dunia aiya songko-songko madi' ko mian anu ma'ima' na kinyonyoanyo sumo ia. Ia monsombah Aku ka' totu'u madi' lewa' mombau anu ma'idek. Ia daagi sabole-bole tulu-tulutan hi belengku, maumo oko pagalamo monsale'i Aku da opateimo na ia, mau madi' ia ko sala'nyo.”

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 74:7

Laigan nu Belento pinapuanmo nu aha sahingga no'angotmo; ka' nahumimi'imo na tampat ponsomban Belento.

YESAYA 22:5

Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YESAYA 23:9

Tumpu Anu Daka' na Kuasanyo, Iamo na nongala kaputusan aijo'. Ia nomputusimo da bolimo sola' takabun na miannyo anu jojoong ikiijo' maumo ahi' aha noko alamo nohumpak iwi-iwi na apaa, ka' nonteemo to mia-mian anu oholomati i dunia aiya.

YESAYA 25:12

Benteng-benteng nu aha Moab ka' mule' pagannyo mesen anu toto tangka-tangkas Nu hobo'akonmo ka' mule' Nu sapahakonmo itano' sampe ia hansun susumo abu'.

YESAYA 26:5

Tumpu mompota'alukmo mian anu buulon; Nu hansunimo na kota'nu aha anu kobentengnyo, ka' opohatamo susumo tano'.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

YEREMIA 5:10

Ku saimo na sampobalinyo da nu ideimo nu aha na ale' nu anggur nu aha, panyo madi' ahi' da mohopu'imo aha. Ku palentahmo na sampobali'nyo aijo' da montutu'i panga' nua anggur nu aha kalana panga'nyo haha aijo' misa' anung-Ku.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

MOHAANGI 3:43

Kami i loloi' nu Belento ka' pinateanmo nu Belento, kalibosan nu belento sulu-suluk i uno nu kapusan nu Belento.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

MIKHA 5:14

Tambuha'-Ku anu tala-talalomo hondo sahingga Ku balosakonmo na palabuatan nu aha anu ma'i-ma'idek aijo' iwi-iwi', kona hi aha bansa anu madi' tulu-tulutan hi beleng-Ku.”

MALEAKHI 1:4

De bisuanyo lee' mae i Esau, aha mian nu Edom haha aijo' motatae, “Iwi-iwi na kota' mami ihansunanmo panyo po ule'mo obau mami,” han aijo' nu taamimo nu Tumpu, “Aha timbali po ule' mombau panyo po ule' Ku hobo'akon. Aha osanggohimo ‘Lipu' anu palaganta’ ka' mule ‘Bansa anu tinambuha'anmo nu Tumpu sampe sidu-sidutu.’ ”

MATIUS 18:33

Te misa' beleyum suele tionyo ahi' molibos hi sangaluyum, susumo aku nongkalibosimo beleyum?’

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

PO'ULE' INGULIT 28:52

Aha tokamo mae montumbuhi toto sa'angu' na kota i lipu' anu binee'mo nu Tumpu Allah nu belemiu hi belemiu sahingga iwi-iwi' na pagan mesen anu toto tangka-tangkas ka' binaumo hoso-hoson, anu otaha'imanimo nu belemiu aijo', mohobo'mo.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.