MOHAANGI 2:19 - KITAB NU TUMPU ALLA LELE MA'IMAI'

¹⁹ Po uli-ulit na mobula sampahu da oloboo'akon iwi-iwi' na isi nu kinyonyoa nu beleyum hi Tumpu. Poita da Ia molibos mae hi to ana-anak nu beleyum anu no ohopmo, ka' mule' anu pinoso'mo i iwi-iwi' na teku'an nu jalan.

MOHAANGI 2:19 ပူးပေါင်းရင်းမြစ်များ

AYUB 3:24

Aku motusa' aijo'mo na pombolosi anu ku kaan, aku me saja' motusa'.

MAZMUR 119:55

De malomo ku inau'mo na Belento o, Tumpu, atulan nu Belento sabole-boleh ku toongi.

MAZMUR 134:2

Tangkakon na lima nu beleyum mokiita' i tampat anu susi', ka' opuji' na Tumpu!

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

MAZMUR 142:2

Dinaka-daka'ankumo hondo na nongkakase hi Tumpu; pinantilan hondo na aku nongkakase da Nu tulungi mae.

MAZMUR 142:3

I ahop-Nyo pinoto'ingkumo na kasusa'anku, pinoto'ingkumo na kasusa'anku iwi-iwi' hi Ia.

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 42:4

Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

MAZMUR 63:4

Kalibosan nu Belento lebe ko angga'nyo molingkudui kantumuu'an, kalana aijo' aku mompuji'mo Belento.

YESAYA 26:9

Santuu'ku saja' monginau' Belento de pihimo kinyonyoangku montaha'imani Belento de subu-subumo. De Belento momputusimo palakala nu dunia aiya, nu sumbu'je nu mian anu jojoong idunia aiya apaa na anu sahondo-hondonyo.

YESAYA 51:20

Isinin na puusnyo nu jalan aha to mia-mian nu beleyum tombahangkangmo kalana madi'mo ko kahosonan pokakanamo susumo jonga anu nu konamo nu so'o. Aha kinonamo nu tambuha' nu Tumpu, ka' sineganmo nu Tumpu nu beleyum.

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 9:20

Aku notataemo, “Potombihing na potatae nu Tumpu, o, to bou-boune iwi-iwi'! Hi aha to lalangkoyang nu belemiu pogulu'akon na nyanyian mohangi, ka' hi to sanga-sangalu nu belemiu nyanyian anu onyanyi de ko anumo silaka.

YEHEZKIEL 5:10

Tuuma tiba tinanyo mongkaanmo posi anaknyo ka' mule' anak mongkaanmo tuuma tiba tinanyo. Sumo aijo' na aha Ku hukum, ka' anu daagi' tumuu' Ku ga'a-ga'atakonmo oboa i iwi-iwi na tampat.

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

MIKHA 1:16

O, mian nu aha Yehuda guntingimo na ubak nu belemiu da bau salaku tanda saba' to ana-anak nu belemiu anu okalibosi hondo nu belemiu silakamo. Kiismo na ubak nu belemiu sampe longkung susumo tomonsi' anu pangkaan bangke' nu binatang kalana to ana-anak nu belemiu oboamo itampat anu bau pompojoongan aha.

NAHUM 3:10

Maumo sumo aijo' mian anu jojoong i Tebe i hakopmo ka' binoamo i pinompojoongan aha. I iwi-iwi na sangan nu jalan to ana-anaknyo lewa'mo binanda ka' sinilakamo. To pola-polaya' nu aha pinungumo nu lante ka' binagi-bagimo nu aha anu nohakop mae.

MATIUS 14:25

Ohanimo jam totolu' ka' jam anomo subu, i Yesus tinokamo hi aha i lumajang i bawo nu uee.

MARKUS 1:35

Dodododopnyo, daagi' subu-subu hondo i Yesus nobula ka' nompala'i laigan. Ia namba nokiijo' i tampat anu liing i sambiha' nu kota, ka' binalado'a i kiijo' mae.

MARKUS 13:35

Kalana aijo' komiu tionyo balajaga-jaga, kalana komiu madi' monsumbu' hipian nu tumpu nu laigan aijo' po'ule' mae minsusule' – ugaat ohanimo malom, tonga' pahu, ugaat daagi' subuh, kabai ugaat bete'mo na sinaa.

LUKAS 6:12

Tempo'nyo aitu i Yesus nindako i sa'angu' na bungkutnyo da balado'a. I kiijo' Ia binalado'a hi Tumpu sinampahu.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

TO MIA-MIAN KOPIAN 7:19

Mongohanimo tonga' pahu, i Gideon tiba to mia-miannyo tinokamo i potempasan pinombauan kemah nu aha sampobali'. Tempo'nyo aitu mian anu monjagai kemah haha aijo', sala'je nobolos na nonjagai. Lantas i Gideon ka' suludadunyo nompuhimo tolompet ka' nompahamposo'akonmo tampat pongisian pansona' nu aha.

1 SAMUEL 1:15

Panyo tinaman i Hana, “Aku madi' malangu, kita Tuumangku, aku madi' hondo-hondo nonginum anggur! Madi'mo ko anu kutaha imani, ka' hau-haunyo aku balado'a aku monsisik kasansala'anku hi Tumpu.

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)