MOHAANGI 2:17 - KITAB NU TUMPU ALLA LELE MA'IMAI'

¹⁷ Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 2:17 ပူးပေါင်းရင်းမြစ်များ

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

MAZMUR 35:24

Tinjohi mae na aku, kalana Belento adin, o Tumpungku boli opojohok mae na sampobali' mongkokojoi mae aku.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 38:16

Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

MAZMUR 89:42

Iwi-iwi' na mian anu motulu ikiijo' nompohuhuakonmo balangnyo, ia lewa'mo kinokojoan nu aha anu mompaha ohani.

MAZMUR 89:43

Belento nompo'untungmo nahampate aha anu monsampobali' mae ia, ka' iwi-iwi' na mian anu nongewa mae ia i lame'mo.

YESAYA 14:29

O, belemiu bansa Filistin, amangkun anu pinake pinompan belemiu nopato'mo. Panyo boli beleyum lame' kalana de sa'angu na ulo matemo, saba ulo anu sangga'at mule' tokamo mae mombolosakon ka' lebe ma'idek mule' na pombaunyo ka' nggalau' nu ulo ai-aijo' mimoso'mo naga' anu mimpolipik.

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 40:3

Uuka aiya han aijo' binau-Nyomo kalana bansa nu beleyum binaladosa'mo ka' mule' madi'mo nohongo-hongo Ia.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

MOHAANGI 2:8

Tumpu nomputusimo da iwi-iwi' na pagan mesen nu Sion tionyo ahi' ohobo'akonmo, Pagan mesen haha aijo' noko ukun-Nyomo da iwi-iwi' timbali ohansuni. Iwi-iwi' na pagannyo mesen tiba laigannyo tangka-tangkas uuka aiya memo kahansunannyo.

MOHAANGI 3:43

Kami i loloi' nu Belento ka' pinateanmo nu Belento, kalibosan nu belento sulu-suluk i uno nu kapusan nu Belento.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

MIKHA 2:3

Kalana aijo' Tumpu notataemo, “Aku ko tanga'anmo montuda'i balaa' belemiu sahingga belemiu madi' ko madi'nyo nu konamo ahi' nu balaa'. Toka i tempo'nyo anu soe' aijo' belemiu madi'mo daagi moko ala junjuhi na lumajang.

ZEFANYA 1:2

Tumpu notatae, “Aku mohopu'imo iwi-iwi' na anu i dunia aiya:

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”