MOHAANGI 2:16 - KITAB NU TUMPU ALLA LELE MA'IMAI'

¹⁶ Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MOHAANGI 2:16 ပူးပေါင်းရင်းမြစ်များ

MAZMUR 109:2

Kalana aku tinumbuhanmo mae nu mian anu toto ide-idek na kinyonyoanyo ka' anu saja' mongakali anu lewa' mombebakon sisi-sisik anu madi' totu'u mongkona aku.

MAZMUR 112:10

Mian anu ma'idek na kinyonyoanyo montoa ia, lantas motambuha'mo; bese' nu aha koyokobanmo kalana mongka'idekimo. Lantas aha silakamo; anu nu ima-imani nu aha madi'mo nu humpak nu aha sampe toka sidu-sidutu'.

MAZMUR 124:3

sahingga kita ilonyomo titu-tituu', kalana tambuha' nu aha anu taha-tahahumo.

MAZMUR 22:13

Sumomo ahi' gombuan nu sapi', na sampobali' nohuntumo mae aku, sumomo ahi' sapi' ma'ela' anu lengkat i Basan na aha nontikumo mae aku.

MAZMUR 35:16

Aha sabole-bolemo ahi' saja' mongkokojoi mae aku, mian anu ilupe'mo ka' mongka'idekimo mae na aha montoa aku.

MAZMUR 35:21

Aha sola' moloboo' mae hi belengku ka' motatae koonyo nu aha, aha nontoamo palabuatanku.

MAZMUR 35:25

Boli opojohok na aha motatae i uno nu kinyonyoa “Talimakaseh kita nompomingkotmo nyawanyo. Apaa na anu kinahanda'anto tinongalamo hi kita!”

MAZMUR 37:12

Mian anu ma'idek na palabuatannyo saja' montanga'i anu ma'idek hi aha mian anu ma'ima na palabuatannyo, ka' montoa ia kinyonyoa mongka'ideki.

MAZMUR 41:8

Iwi-iwi' na mian anu mongka'ideki mae aku sola'mo mo oyong; aha sola'mo molelek apaa na anu ma'idek hondo aiya hi belengku.

MAZMUR 56:2

Kalibosiakon mae na aku, o, Tumpu kalana aku tinumbuhanmo mae, saja'mo aku sinansala nu to mia-mian anu monsampobali' mae aku.

MAZMUR 57:3

Aku mongkakase momoita tulung hi Tumpu Anu Matangkas na Kuasanyo, hi Tumpu anu timbali mombau apa-apaa hi belengku.

YESAYA 49:19

Lipu' nu beleyum anu kinunmo ka' iliingmo hondo uuka aiya binunsokmo hondo hi aha to mia-mian anu kahanda' monjojoongi. Ka' aha to mia-mian anu kahanda'mo mompatei beleyum, nambamo jo'o-jo'on nompala'i beleyum.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEREMIA 50:7

Aha otumbuhimo ka' osakisamo nu mian iwi-iwi' anu singkabot tiba aha. Iwi-iwi' na sampobali nu mian anu palesayamo hi beleng-Ku notataemo, ‘Apaa na anu binauntomo, madi' sala', kalana mian haha aijo' binaladosa'mo hi Tumpu. Mompolee' nu aha na palesaya ahi' hi Tumpu, jadi sabenannyo aha na sabole-bole ahi' tulu-tulutan hi Ia.’

YEREMIA 51:34

Yerusalem ihansunanmo ka' kinaanmo ingko-ingkot itomundo' Babel; ia nompilongkangmo kota' aijo' susumo nompilongkangmo boton. Sumomo sa'angu' na binatang anu talenga'nyo hondo, ia nolonyomo Yerusalem ka' nongisimo kompongnyo nu iwi-iwi' na anu ma'ima anu ihumpaknyo ikota' aijo' lantas ingalinnyomo na labinyo.

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 3:46

Kami ingalumo nu sampobali' mami ka' kinokojoan;

YEHEZKIEL 23:32

Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

YEHEZKIEL 25:15

Tumpu Anu Matangkas na Kuasanyo notataemo, “Aha to mia-mian nu Filistin nombalosakonmo pinoko idek hondo nu aha na sampobali' nu mompolee' pe'e mae nu nu aha ka' nompateimo aha kalana tahahumo hondo na aha nongka'ideki.

YEHEZKIEL 25:3

Palentah na bansa aijo' da mohongo mae apaa na anu Ku poto'i hi aha,

YEHEZKIEL 25:6

Tumpu Anu Matangkas na Kuasanyo notatae, “Belemiu mohapa'imo lima ka' lame'mo na monsalelei. Belemiu madi'mo mompajuli tano' nu Israel.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.

MIKHA 4:11

Manjoo' na bansa anu nosa'angu'mo kahanda'mo mompahampateakon belemiu o, Yerusalem! Aha notatae, “Yerusalem tionyo ahi' ohansunimo! Tionyo ahi' otoa mami na kota' aijo' hansun!”

SISIKON NU TO RASUL-RASUL 7:54

Salatan to mia-mian Mian Kopian Daka' nu Agama aijo' nohongomo iwi-iwi' anu tinaloakon i Stefanus, na'idekanmo hondo na kinyonyoa nu aha ka' pinusa hondo hi ia.