MOHAANGI 2:15 - KITAB NU TUMPU ALLA LELE MA'IMAI'

¹⁵ Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

MOHAANGI 2:15 ပူးပေါင်းရင်းမြစ်များ

2 TOMU-TOMUNDO' 19:21

Tumpu notatae, “Kota' Yerusalem nongkokojoimo ka' nompopoambangmo belento Sanherib.

2 TAWARIKH 7:21

Laigan ponsomban Aku aiya, tempo' uuka aiya o'angga'i hondo, panyo de jadi na anu kokoong-Ku aijo' saba' batu-batu mian anu motulu i kiijo' bangangmo na montoa. Aha motataemo, ‘Kadaka' Tumpu nombaumo lipu' ka' laigan aiya sumo aijo'?’

MAZMUR 109:25

To mia-mian anu montoa mae aku, mongalu mae aku ka' molilo-lilokakon ubak.

MAZMUR 22:7

Panyo aku aiya ias, misa' manusia, o'alu ka' opopo'ambang nu mian da'isan.

MAZMUR 48:2

Memang talasanggo ahi' na Tumpu ka' talalo ahi' opuji', ikota' nu Tumpu, ipuge'nyo anu susi'.

MAZMUR 48:3

Sion, puge'nyo nu Tumpu natunjomo ma'ima' hondo kota' nu Tomundo' anu Talasanggo momposanang songko-songko na dunia.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 64:8

Panyo nupana'akonmo nu Tumpu na pana'-Nyo mokiijo' hi aha, ka' monti-montiik ahi' aha belaonmo.

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YESAYA 64:11

Laigan nu Tumpu anu susi' ka' mule' talasanggo, tampat nu mompolee' mami sola' mompuji' Belento, tinanggotanmo nu apu; iwi-iwi' na tampat anu oka'ima'i mami singkapmo na'idek.

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 48:27

Te misa' naipuan mae mian nu Israel kinokojoanmo ahi' nu aha mian nu Moab ka' lewa'mo pinobau-bau au'aitu aha kinadapatanmo hingga-hinggat iba aha anu sola' montomang?

YEREMIA 51:37

Lipu' aijo' timbalimo tambulan nu anu ihansunmo ka' mule' timbalimo tampat paninsulukan nu dedeng nu alas. Mian mabuhukmo na montoa, ka' madi'mo ko mian anu mongka'oho' jojoong ikiijo'.

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

YEHEZKIEL 16:13

Sumo aijo' na beleyum pinakeanmo nu mosoni' tiba salaka; baju' nu beleyum te hude lenan na binau tiba sutala anu ko sujinyo. Beleyum timbali mokaan roti anu labu ma'ima' hondo na binau tiba juu' nu uani' anu ma'ima' hondo ka' mule' lanya' nu zaitun. Beleyum talalo ahi' handa ka' mule' beleyum timbalimo tomundo' boune.

YEHEZKIEL 16:14

Iwi-iwi na bansa mompuji' beleyum kalana talalo handa hondo, ka' Akumo na nompojadi beleyum sahingga ihanda. Aku Tumpu Anu Matangkas na Kuasanyo notataemo.

YEHEZKIEL 23:32

Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

YEHEZKIEL 25:6

Tumpu Anu Matangkas na Kuasanyo notatae, “Belemiu mohapa'imo lima ka' lame'mo na monsalelei. Belemiu madi'mo mompajuli tano' nu Israel.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

NAHUM 3:19

Bela nu beleyum madi'mo opoko ala opakuli'i ka' mule' madi'mo opoko ala da opa'alinakon. Iwi-iwi' na mian anu nohongomo lele kinahansunan nu beleyum nohapa'imo lima salaku tanda ilame'mo. Kalana iwi-iwi' na mian nongoa'imo kasansala'an kalana palabuatan nu beleyum anu ma'i-ma'idek atina' anu madi'mo kokamingkotannyo.

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

MATIUS 27:39

To mia-mian anu notulu i kiijo' kinolilo-lilok na ubak ka' nongambangi i Yesus.

MARKUS 15:29

To mia-mian anu motulu i kiijo' ko lilo-lilokmo na ubak ka' montaloakon potatae mompopo'ambang i Yesus. Aha notatae, “Ee, Beleyum na anu mongka'oho' mongidei Laigan nu Tumpu, ka' po'ule' mompotinjo ola i uno nu tolun sinaa.