MOHAANGI 2:13 - KITAB NU TUMPU ALLA LELE MA'IMAI'

¹³ O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

MOHAANGI 2:13 ပူးပေါင်းရင်းမြစ်များ

2 SAMUEL 5:20

Lapas aijo' nambamo na i Daud nokiijo' i Baal-Perasim ka' ikiijo'mo na aha suludadu nu Filistin haha aijo' pinatundu'nyo. Lantas ia notataemo, “Tumpu tinokamo nompoko idek benteng nu sampo bali'ku, susumo iaba' ola sinangkinihap nonganjuhahonmo silina na apaa.” Mokonyo aitu tampat kiijo' sinanggohanmo Baal-Perasim.

2 TOMU-TOMUNDO' 19:21

Tumpu notatae, “Kota' Yerusalem nongkokojoimo ka' nompopoambangmo belento Sanherib.

MAZMUR 60:2

tempo'nyo ia nahampate tiba mian nu Aram-Mesopotamia ka' mian nu Aram-Zoba, ka' tempo'nyo i Yoab ninsusule'mo mae, ka' nompatundu'mo 12.000 na mian nu Edom i Bangka'nyo nu Asin.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YEREMIA 14:17

Tumpu nompalentahmo mae aku da mompoto'i kasusa'an nu kinyonyoangku hi mian anu palesayamo hi Ia. Aku tionyo montaloakon sumo uuka, “Bakasmo da aku humang madi'mo kokamingkotannyo, sinaa tiba pihi sola'mo lolu'on na matangku. Kalana bansangku tinadokmo hondo na belanyo ka' talalomo ahi sinansala.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 8:22

Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

MOHAANGI 1:12

“O to mia-mian anu notulumo i jalan, toamo ka' palahatikan! Te daagi' mule' ko kasansala'an anu lebe maboat susumo anu ingoa'ankumo uuka aiya? Sakisa anu binee'mo mae nu Tumpu hi belengku, kalana pusanyo anu talalomo hondo aijo'?

YEHEZKIEL 32:31

De i tomundo' Mesir tiba suludadunyo tokamo kaiyong i dunia nu mian anu sinilakamo ka' montoamo mian haha aijo' iwi-iwi' anu sinilakamo i uno nu pahampatean sanangmo na kinyonyoa na nu oa'i nu aha. Aku, Tumpu Anu Matangkas na Kuasanyo notataemo.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.