MOHAANGI 2:11 - KITAB NU TUMPU ALLA LELE MA'IMAI'

¹¹ Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

MOHAANGI 2:11 ပူးပေါင်းရင်းမြစ်များ

AYUB 16:13

Madi'mo daagi' kokalibosan, Ia me saja' mompana' aku; sahingga nobubusmo na isi nu kompongku.

AYUB 30:27

Aku binea-beakmo nu kapatean ka' kasusa'an anu taha-tahahumo; sansina-sinaa mompaka panjoo' mo na kasansala'anku.

MAZMUR 119:82

Matangku nalawemo na montanda'i Belento mongganapi mae anu jinanji'mo nu Belento, aku notataemo, “Hipian na Belento mohase'mo mae aku?”

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 31:9

Belento madi' mompojohok mae aku nu hakop ka' nu boa nu sampobali'ku, panyo mompobee' ahi' mae aku lumajang bebas.

MAZMUR 38:8

Sakit nu sihabi mompapumo mae butongku, madi'mo daagi' ko anu mahoson i uno nu butongku.

MAZMUR 6:7

Aku talalomo hondo nalawe kalana saja'mo notusa' sampahu-pahu na lolu'ku jumuju mohumpisi kahoyotanku.

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

YESAYA 22:4

Boli mae mompalahatikan aku; bakas da ku haangi ahi' na to mia-mian bansangku anu sinilakamo.

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YESAYA 51:20

Isinin na puusnyo nu jalan aha to mia-mian nu beleyum tombahangkangmo kalana madi'mo ko kahosonan pokakanamo susumo jonga anu nu konamo nu so'o. Aha kinonamo nu tambuha' nu Tumpu, ka' sineganmo nu Tumpu nu beleyum.

YEREMIA 14:17

Tumpu nompalentahmo mae aku da mompoto'i kasusa'an nu kinyonyoangku hi mian anu palesayamo hi Ia. Aku tionyo montaloakon sumo uuka, “Bakasmo da aku humang madi'mo kokamingkotannyo, sinaa tiba pihi sola'mo lolu'on na matangku. Kalana bansangku tinadokmo hondo na belanyo ka' talalomo ahi sinansala.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 44:7

Ka' uuka aiya Aku, Tumpu Anu Balakuasa hondo, Tumpu Allah Israel mompokilawamo kadaka' belemiu nombaumo palabuatan anu timbali monsaduakon kasilaka'an anu daka' aijo' hi butong nu belemiu. Te belemiu kahanda'mo monsilakai iwi-iwi' na mian – mo'ane, boune, to ana-anak, tiba bungamea' – sahingga madi'mo daagi' ko samian na bansa nu belemiu na daagi' tontuha'?

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:20

O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 5:17

Bungkutnyo nu sion i liingmo ka' pinala'ianmo; i kiijo' mae dedeng nu alas lewa'mo nololo. Kalana aijo' kinyonyoa mami i na'idekanmo hondo, kami i humangmo sampe pinahaamo na kami montoa.

LUKAS 23:29

Kalana tokajemae na tempo'nyo mian motataemo, ‘Palias na ko untungnyo na to bou-boune anu madi' toho' nohempu, anu madi' toho' kino anak, ka' madi' toho' nomposusu bunga mea'!’