MOHAANGI 2:10 - KITAB NU TUMPU ALLA LELE MA'IMAI'

¹⁰ Aha to tu'a-tu'anyo nu kota' momo'mo suha-suhang i tano'; aha nongkakambuhakonmo abu' aita i ubak nu aha, ka' nompakemo hude kalung salaku tanda sinusa'mo Tolalangkoyang nompodukumo ahi' suele ubak nu aha toka-toka i tano'.

MOHAANGI 2:10 ပူးပေါင်းရင်းမြစ်များ

2 SAMUEL 13:19

Lantas ingabu'anmo i Tamar na ubaknyo, binea-beaknyomo na juba'nyo ka' nambamo, ka' ohupnyo kinukubannyomo nu limanyo ohu-ohua' ka' i humaangmo noli-nolibos.

YESAYA 15:3

To mia-mian anu laja-lajang i jalan nompusokmo hude kalung tanda monsusa'akonmo kalana ko anumo sinilaka; mian lewa'mo tumando' na humang itanah lapang kabai aita ibangkala' nu laigan.

YESAYA 3:24

Uuka aiya aha mompake minya-minya anu toto noho-nohong, saidi' mae aha mamabusikmo. Pombutu' nu aha anu ma'i-ma'ima hondo obolosimo nu kahohon anu madi' ma'ima'. Ubak nu aha anu ko bulunyo nu ubak anu ma'ima' hondo saidi' mae okiismo. Baju nu aha anu toto ima-ima' saidi mae obolosimo nu anu toho'mo lewa' pinusok nu mian. Uuka aiya aha singkap handa; saidi' mae ohup nu aha ma'idekmo kalana osapmo.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YESAYA 36:22

Sahingga i Elyakim, i Sebna tiba i Yoah nombea-beakmo baju' nu aha salaku tanda sinusa'mo lantas nambamo nompoto'i hi tomundo' apaa na anu pinoto'imo nu suludadu nu Asyur mata-matangkas na pangkatnyo aijo'.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YESAYA 47:5

Tumpu notataemo hi Babel, “Bolimo mombau apa-apaa, ka' pinsoopmo i uno nu pikat. Beleyum madi'mo daagi' osanggohi ‘Tomundo' boune nu to kalaja'an-kalaja'an.’

YEREMIA 8:14

“Kadaka' kita madi'mo noko ala nombau apa-apaa?” na koonyo nu mian anu palesayamo hi Tumpu Allah. “Imbo' kita' mopalaimo mamba ikota-kota' anu ko bentengnyo, bakas da kita silakaje kiijo' mae. Noko putuskanmo nu Tumpu Allah na kita tionyo ahi' silakamo. Binee'an-Nyomo na kita lasung da o'inum kalana kita binaladosa'mo hi Ia.

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 3:28

Tempo'nyo Tumpu mombee'i kasansala'an, tionyo ahi' kita sumuhang hoko-hokot, ola sausa'.

MOHAANGI 4:16

Tumpu madi'mo daagi' mompalahatikan mian-Nyo anu palesayamo; posi ia mo na nongga'a-ga'atakon aha ka' nombau to ima-imam madi'mo daagi' o'angga'i; to pola-polaya' madi'mo ko anu mongkalibosi.

MOHAANGI 4:5

Aha anu saja' mongoa'i mongkaan anu to tami-tami', ka' tumuu' i uno nu kalambakan uuka aiya dinumadangkangmo molio kaanon i tambulan nu duhehe, ka' sinilakamo nu ohop tutuus jalan.

MOHAANGI 5:12

To pola-polaya' mami i hakopmo ka' pinokalayo' to tu'a-tu'anyo mami madi'mo daagi' iholomatan.

MOHAANGI 5:14

To tu'a-tu'anyo madi'mo sinilimu' i sabatan daka' nu kota', musik madi'mo daagi' ihongo hi aha to oli-olitau ka' to lalangkoyang.

YEHEZKIEL 27:30

Aha nohangimo uki' nu beleyum nososonmo ka' ihumangmo kalana nolibosmo. Aha nongkakambuhakonmo abu' i ubak nu aha ka' nale'mo i abu' salaku tanda ko anumo sinilaka.

YEHEZKIEL 27:31

Kalana aha monginau beleyum sahingga kinismo nu aha na ubak. Nompusokmo hude kalung kalana sinusa'mo hondo. Aha ihumangmo kalana nolibosmo ka' nontando'imo uki' nu beleyum.

YEHEZKIEL 7:18

Aha mompusokmo hude kalung ka' songko-songko nu aha langkakatanmo. Ubak nu aha singkapmo okiismo ka' mule' aha opopo ambangmo.

YOËL 1:8

Haangmo o mian, susumo langkoyang anu sinusa'mo anu mohangimo kasilakan nu sindua'annyo anu nu kalibosi hondo.

AMOS 5:13

Kalana kalakuan nu belemiu aijo', sahingga to mia-mian anu pande mongoa'i lebe ma'ima' ola momohokot i tempo' anu ma'idek susumo aijo'.

AMOS 8:13

I sinaa aijo' anu o oli-olitau ka' anu daagi langkoyang anu madi' ko panyakitnyo tolubukmo saba' i negotmo.

AMOS 8:3

I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

YUNUS 3:6

Salatan tomundo' nu Ninewe nohongomo lele aijo' ia balomo tinuminjo ingukatnyomo na juba' nu kalaja'annyo ka' nompusokmo hude kalung ka' sinumuhangmo na ia i abu'.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

ANU PINOTO'I HI YOHANES 18:19

Sahingga aha nongkakambuhakonmo abu' i ubak nu aha salaku tanda lewa'mo mongoa'i kasusa'an, lantas i humaang ka' lewa'mo noloboo', “Ibeh, palias na kota anu daka' hondo aiya i na'idekmo! Kakaya'annyo nonsaduakonmo iwi-iwi' na mian anu daagi' ko kapan i ambai kinayamo! Panyo ola i uno nu sajam, iwi-iwi' na anu daagi' hi ia madi'mo daagi'!”