MOHAANGI 1:4 - KITAB NU TUMPU ALLA LELE MA'IMAI'

⁴ I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 1:4 ပူးပေါင်းရင်းမြစ်များ

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YEREMIA 10:22

Potombihing mae! Daagi' ko lele koonyo nu aha sa'angu' na bansa isasu utara nompopobuhukmo mae. Suludadu nu aha mompojadimo kota-kota' nu Yehuda liingmo ka' madi'mo daagi' ko anu monjojoongi. Dedeng nu alas maninsulukmo kiijo' mae.”

YEREMIA 14:2

“Yehuda sinusa'mo na kinyonyoanyo kota'nyo iwi-iwi' me sangkiding imadi'anmo. To mia-miannyo nale'mo itano' ka' sola'mo notusa' Yerusalem nolokihismo momoita tulung.

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 5:13

To oli-olitau mami pinakisamo na nokalaja i ponggilingan to ana-anak mo'ane ingutunanmo nu kau' anu sinimbu sampe pinoso'.

MOHAANGI 5:14

To tu'a-tu'anyo madi'mo sinilimu' i sabatan daka' nu kota', musik madi'mo daagi' ihongo hi aha to oli-olitau ka' to lalangkoyang.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.