MOHAANGI 1:3 - KITAB NU TUMPU ALLA LELE MA'IMAI'

³ Mian anu jojoong i Yehuda nompala'imo lipu'nyo kalana binotuananmo ka' talalomo sinansala. Uuka aiya aha jijojoongmo i to bansa-bansa madi'mo ko tampat anu pohumpakan kadamean ka' kasanangan. Sampobali' nontumbuhimo aha tempo'nyo aha sinansalamo.

MOHAANGI 1:3 ပူးပေါင်းရင်းမြစ်များ

2 TOMU-TOMUNDO' 25:11

Lantas mian anu daagi' i kota' aijo', aijo'mo mian anu pande na mokalaja, tuha'nyo nu aha anu i hakopmo ka' binoamo, ka' to mia-mian kasiasi, ka' to mia-mian anu nambamo natihapa' ka' nosangaja' hi aha mian nu Babel, iwi-iwi' binoamo i Nebuzaradan i Babel.

2 TOMU-TOMUNDO' 25:21

i da'erah Hamat. I kiijo' mae aha sinakisamo ka' pinateanmo. Sumo aijo' na mian nu Yehuda haha aijo' binoa lengkat mae i lipu' nu aha namba i lipu' anu pinompojoongan aha.

2 TOMU-TOMUNDO' 25:4

pagan mesen nu kota' aijo' i hobo'akonmo nu sampo bali'. Pihi-pihi aijo' maumo mian nu Babel nontumbuhimo kota' aijo', iwi-iwi' na suludadu nu Yehuda nopalaimo namba i bangka'nyo nu Yordan. Aha nontulu jalan i taman anu aijo', koko laigan nu tomundo', lantas nosabatmo nontulu sabatan daka' anu mompoguntang ohua' na pagan mesen i tampat aijo'.

2 TOMU-TOMUNDO' 25:5

Panyo suludadu nu aha Babel nololoi'mo i Tomundo' Zedekia ka' i hakopmo nu aha i hatanyo nu Kidron. Iwi-iwi' na suludadunyo nopalaimo nompala'i ia.

YEREMIA 13:19

Sinin na kota' nu Yehuda anu ibahagian salatan hau-haunyomo tinumbuhan, ka' madi'mo daagi' ko anu noko ala nopalai aha tinumbuhan aijo'. Iwi-iwi' na aha mian nu Yehuda binoamo itampat pinompojoongan.”

YEREMIA 16:16

Tumpu notatae, “Aku kahanda'mo molaga manjoo' na anu saja mompagala ikan da mohakop mian haha aiya. Lapas aijo' Aku kahanda'mo molaga manjoo' na anu saja' mombebas da mombebasi aha aita' mae itoto sa'angu' na bungkutnyo tiba puge'nyo ka' mule' itoto sa'angu' na liang nu bungkutnyo nu batu.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 39:9

Ahennyo mian da'isan anu daagi' tinontuha' ikota' tiba aha anu nopalaimo ka' naninggalumo hi aha Babel, binoamo i Nebukadnezar i Babel, kamundan nu suludadu nu Babel.

YEREMIA 52:15

Lapas aijo' mian da'isan anu daagi' kiijo' ikota' aijo'mo aha mian anu pande mombau apa-apaa, anu daagi' tinontuha', tiba to mia-mian anu kasiasi, ka' mule' to mia-mian anu nopalaimo naninggalum hi aha mian nu Babel, iwi-iwi' binoamo i Nebukadnezar i Babel.

YEREMIA 52:8

Panyo suludadu nu aha Babel nololoi'mo ahi' i Tomundo' Zedekia ka' nohakopmo ia ihata'nyo nu Yerikho. Iwi-iwi' na suludadunyo nopalaimo nompala'imo ia.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

MOHAANGI 5:5

Susumo binatang, kami opakisa na mokalaja anu maboat, kami nalawemo, panyo madi' opobee' na milawe.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.