MOHAANGI 1:22 - KITAB NU TUMPU ALLA LELE MA'IMAI'

²² Palahatikan iwi-iwi' na ka'idekan nu aha haha aijo', ka' baumo na aha susumo belento nombaumo aku, kalana iwi-iwi' na dosa' anu binaungkumo hi belento, Tina upkumo na kasansala'an kinyonyoangku sinusa'mo ka' butongku ko page-pagesuknyomo.”

MOHAANGI 1:22 ပူးပေါင်းရင်းမြစ်များ

MAZMUR 143:7

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

MAZMUR 79:10

Boli opobee' na bansa sangga'at mompokilawa mae kami “Iya mae na Tumpu nu aha?” Bakas da kami montoa to bansa-bansa obalosakon anu mompateimo to posa-posaihon nu Belento.

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YEREMIA 18:23

Panyo, Belento o Tumpu monsumbu' apaa na anu tinanga'anmo nu aha da mompateimo mae aku. Kalana aijo' bolimo mongampuni mae aha; bolimo mohapusi kasala'an nu aha. Dokemo na aha sampe tombahangkangmo. Baumo pa' apaa na obau hi aha kalana notambuha'mo na Belento.”

YEREMIA 30:16

Panyo uuka aiya iwi-iwi' na anu nolonyomo beleyum suele olonyomo ka' iwi-iwi' na sampobali' nu beleyum oboamo itampat pompojoongan. Aku mombee'imo kasansala'an anu nombee'imo kasansala'an beleyum. Aku montololangimo anu nontololangimo beleyum.

YEREMIA 51:35

O, mian anu jojoong i Sion, poto'i, “Da Babel o'amalakon nu tokai mae nu kasinggian susumo anu binaunyomo mae hi kita!” O, mian anu jojoong i Yerusalem, poto'i, “Da Babel o'amalakon nu tokai mae nu kasansala'an susumo anu pinokonanyomo mae hi kita!”

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 5:17

Bungkutnyo nu sion i liingmo ka' pinala'ianmo; i kiijo' mae dedeng nu alas lewa'mo nololo. Kalana aijo' kinyonyoa mami i na'idekanmo hondo, kami i humangmo sampe pinahaamo na kami montoa.

LUKAS 23:31

Kalana de kona i kau' anu daagi' tutuu', mian mombaumo sumo aiya, pa' mosiaje mule' na nubau nu aha i kau' anu manggasmo!”

EFESUS 3:13

Mokonyo aijo', anu kupoita, aijo'mo: boli bata-bata mongkona apaa na anu ingoa'ankumo, aku sinansala kalana komiu, kalana iwi-iwi' aijo' da bau ka'ima'an miu.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”