MOHAANGI 1:21 - KITAB NU TUMPU ALLA LELE MA'IMAI'

²¹ O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 1:21 ပူးပေါင်းရင်းမြစ်များ

MAZMUR 35:15

Panyo tempo'nyo aku sinusa'mo, aha sinanangmo ka' sinihukmo mae mongewa mae aku. Aha ilumajang naha ejokanmo mompoponyihing ka' mompobau-bau mae aku.

MAZMUR 37:13

Panyo nu kokojoi nu Tumpu na mian anu palabuatannyo ma'idek, kalana Nu sumbu' na ka ahenannyo nu mian aijo' maliamo mae toka.

MAZMUR 38:16

Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

YESAYA 14:5

Tumpu madi'mo mompobee' pamalentahan anu ma'idek na balakuasa

YESAYA 14:6

ka' saja motambuha' na mombee'i kasansala'an nu to bansa-bansa ka' saja' monsakisa aha.

YEREMIA 30:16

Panyo uuka aiya iwi-iwi' na anu nolonyomo beleyum suele olonyomo ka' iwi-iwi' na sampobali' nu beleyum oboamo itampat pompojoongan. Aku mombee'imo kasansala'an anu nombee'imo kasansala'an beleyum. Aku montololangimo anu nontololangimo beleyum.

YEREMIA 48:27

Te misa' naipuan mae mian nu Israel kinokojoanmo ahi' nu aha mian nu Moab ka' lewa'mo pinobau-bau au'aitu aha kinadapatanmo hingga-hinggat iba aha anu sola' montomang?

YEREMIA 50:11

Tumpu notatae, “O, mian nu Babel, belemiu nontololangimo mian anu palesayamo hi beleng-Ku. Belemiu naha lumpatanmo kalana ilame'mo sumomo ahi' ajahan anu nontihaha'mo, ka' mule' sumomo ahi' sapi' anu hau-haunyo mongotot.

YEREMIA 50:15

Aisakonmo na ais nu pahampatean aijo' titikup ikota' aijo'! Uuka aiya Babel madi'mo daagi' noko ala nombau apa-apaa. Sinin na pagannyo mesen singkapmo biniha-biha' ka' ihobo'akon. Aku nombalosakonmo palabuatan nu Babel. Kalana aijo' baumo na aha susumo aha lewa'mo nombau mian sangga'at.

YEREMIA 50:29

Tumpu notatae, “Palentah na to mia-mian anu pande mompana' da montumbuhimo Babel. Pokaumo na batu-batu mian anu pande mompana'. Lambanimo na kota' aijo' ka' boli opobee' ko anu samian na tumuu'. Balosakonmo iwi-iwi' na palabuatan ka' baumo pa' mosia na mombau ia sitimbang tiba tiba kalakuannyo, kalana ia nombaumo palabuatan anu madi' ko adatnyo hi beleng-Ku, Anu Susi' hondo, Tumpu Allah Israel.

YEREMIA 50:31

O, Babel, beleyum saja' talalo buulon! Mokonyo aijo', Aku, Tumpu Anu Matangkas na Kakuasa'an, Tumpu Allah Anu Balakuasa hondo mongewamo beleyum. Tinokamo na tempo'nyo beleyum Ku hukumo.

YEREMIA 51:24

Tumpu notatae, “Posi sakisimo mosia na Aku uuka aiya mombalosimo Babel tiba mian anu jojoong ikiijo' ka' mule' iwi-iwi' na palabuatan ma'idek nu aha anu binaumo nu aha hi Yerusalem.

YEREMIA 51:49

Manjoo' na mian isongko-songko na dunia sinilakamo pinatean sinaduakon nu Babel, panyo uuka aiya Babel opatundu'mo kalana monginau'mo Israel anu pinateanmo. Aku, Tumpu, notataemo.”

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 1:22

Palahatikan iwi-iwi' na ka'idekan nu aha haha aijo', ka' baumo na aha susumo belento nombaumo aku, kalana iwi-iwi' na dosa' anu binaungkumo hi belento, Tina upkumo na kasansala'an kinyonyoangku sinusa'mo ka' butongku ko page-pagesuknyomo.”

MOHAANGI 1:4

I tempo'nu sinaa anu polameananmo madi'mo ko samian pe'e na anu toka i Laigan nu Tumpu Allah. To lalangkoyang anu manyanyi kiijo' mae sinansalamo ka' to ima-imam notusa'mo ka' nompele-pele'mo. Madi'mo ko mian isabatan anu toto daka-daka' Kota' Sion sinongkahanmo nu susa'.

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

YEHEZKIEL 26:2

“O, manusia anu madi' tumuu' batu, aha mian anu jojoong i Tirus sola'mo nontaligalai ka' nontaloakon, ‘Yerusalem ihansunmo! Kamajuan nu aha baladagang imadi'anmo! Ia madi'mo moko ala mongkakanai mae kita!’ ”

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.