MOHAANGI 1:20 - KITAB NU TUMPU ALLA LELE MA'IMAI'

²⁰ O, Tumpu! Palahatikan mae na aku, kinyonyoangku madi' sanang ka' pinusingmo i hansunmo kalana palabuatan mai-ma'idek u'utu mae. I songko-songko na jalan daagi' ko anu monsilakai, i uno nu laigan daagi' ko anu sinilakamo.

MOHAANGI 1:20 ပူးပေါင်းရင်းမြစ်များ

AYUB 30:27

Aku binea-beakmo nu kapatean ka' kasusa'an anu taha-tahahumo; sansina-sinaa mompaka panjoo' mo na kasansala'anku.

AYUB 33:27

Sahingga i ahop nu mian da'isan ia motataemo, ‘Anu ma'idek ku anggapmo ma'ima', dinaka'mo na dosa'ku, panyo Tumpu Allah madi' mohukum aku.’

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 38:8

Sakit nu sihabi mompapumo mae butongku, madi'mo daagi' ko anu mahoson i uno nu butongku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 16:11

Kinyonyoangku nolokihismo ka' ihansunmo hondo-hondo montoa ka' ada'an nu aha Moab tiba Kir-Heres.

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 14:20

O Tumpu, ola-olanyomo ahi' hi Belento na kami binaladosa'mo. Kami mongakuimo posi dosa' mami tiba dosa' nu mompolee' mami

YEREMIA 2:35

belemiu notatae koonyo nu belemiu, belemiu madi' kosala'nyo, koonyo nu belemiu Aku madi'mo daagi' montambuha'i belemiu. Panyo Aku, Tumpu mohukumo belemiu kalana belemiu madi'mo mongakui taalu' belemiu sinala'mo.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 48:36

Iwi-iwi' na kakaya'an nu Kir-Heres tiba songko-songko na Moab imadi'anmo. Aku molibos hondo na montoa kantumuu'an nu aha aijo'; Aku sumomo ahi' mian anu montiop lagu anu otiop de ko anumo silaka isa'angu'na puloit.

MOHAANGI 1:11

I uno nu motusa' ka' mompele-pele'na miannyo anu jojoong i kiijo molio anu okaasan; balang anu ko halaga'nyo mahan pinontolosimo nu aha roti, ola kalana da aha tataap tumuu' ka' boli silaka. Yerusalem nolobo'mo, “O Tumpu, toa mae na aku, palahatikan mae na iwi-iwi' kasala'anku.”

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

MOHAANGI 5:16

Katalasanggoan mami madi'mo daagi kami binalaa'mo kalana binaladosa'mo.

YEHEZKIEL 7:15

I songko-songko na jalan daagi' ko pahampaten, isongko-songko na laigan daagi'mo ko panyakit anu molele ka' madi'mo ko anu okaan. Maumo pa' ihe na anu isambiha' nu kota' saidi' mae silakamo i uno nu pahampatean ka' anu jojoong i kota' silakamo nu panyakit ka' silakamo nu ohop.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

PO'ULE' INGULIT 32:25

Pahampatean monsaduakonmo kapatean i iwi-iwi' na jalan; hahan anu okabuhuk mongkonamo to mia-mian anu i laigan. To oli-olitau ka' to lalangkoyang anu tumimpasje opateimo, ka' suele bungamea' ka' mian anu langkai'mo ka' bengkele'mo.