MOHAANGI 1:2 - KITAB NU TUMPU ALLA LELE MA'IMAI'

² Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 1:2 ပူးပေါင်းရင်းမြစ်များ

AYUB 6:15

Panyo belemiu to sanga-sangalungku, madi'mo opalesaya ka' otaha'imani. Belemiu sumomo kaunyo anu no'otimo na ueenyo, de ujan madi'mo toho' tudun mae.

AYUB 7:3

Sambitu'on toka sambitu'on kantumuu'anku madi' osumbu'-sumbu' pa' moya na opatui; malom toka malom kinyonyoangku nobuke'mo nu kasusa'an.

MAZMUR 126:5

O' amalakon da mian anu humang na motugan mompadak na montaligalaimo ahi'.

MAZMUR 31:11

Kantumuu'anku ningkotmo nu kasansala'an taun-taun anu aku tinumuu'mo pinala'ianmo tempo'nyo aitu lasaja' sinusa' ka' sinansala. Hosonku naga'amo kalana palabuatanku ma'i-ma'idek pakalaus mule' iwi-iwi na bukungku nahu'mo.

MAZMUR 6:6

Kalana de silakamo madi'mo o'inau' na Belento; madi' ko anu mompuji' Belento i dunia nu mian anu sinilakamo.

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

AMSAL 19:7

Mian anu kasiasi nu tee nu utusnyo, apaa mule' sangalunyo. Maumo pa' mosia na ia bala usaha ia madi' moko ala monggoda aha.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEREMIA 2:25

O Israel bolimo daagi' beleyum mopadeka' lewa' mololoi' pilogot ka' bolimo daagi' lewa' moloboo' molaga aha, dumo ahi' tengke nu beleyum belaon ka' mule' onyopan nu beleyum motismo kalana megotmo. ‘Madi'mo, aku madi'mo bisa minsusule',’ sumo aijo' na tinaloakon nu beleyum, ‘kalana aku nongka'ima'imo pilogot ka' kahanda'mo ahi' mombatuki aha!’ ”

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 30:14

Iwi-iwi' na anu mongka'ima'i beleyum nongkolilimimo beleyum; aha madi'mo daagi' mompotutugakon beleyum. Susumo sampobali' tinumbuhan-Kumo ka' nohukumo belemiu pinosansala hondo. Kalana nanjoo'mo na dosa' nu belemiu ka' dinakamo hondo na kasala'an nu belemiu.

YEREMIA 4:30

O Yerusalem beleyum pinala'ianmo ka' madi'mo daagi' moko ala mombau apa-apaa! Daagi' apaa na gunanyo mompusok baju' momea' ka' mompakei nu mosoni' tiba salaka, ka' mule' monjohiti mata nu celak? Palasuma na beleyum mompokopiani butong nu beleyum, kalana to mia-mian anu monsindua'i beleyum madi'mo daagi' mongka'ima'i beleyum. pakalaus mule' kahanda'mo nu patei nu aha na beleyum.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

YEHEZKIEL 16:37

Kalana aijo' anu toho'mo nonsinta beleyum, iwi-iwi' Ku posihukmo, mau anu nu ka'ima'i nu beleyum mau anu nu ka'ideki nu beleyum. Aha tuminjoje saidi' mae montikubi beleyum ka' mongukatakonmo iwi-iwi' baju' nu beleyum sahingga timbalimo nu toa nu aha songko-songko na butong nu beleyum anu ilanggo'mo atina.

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

MIKHA 7:5

Boli mompalesaya anu mompaha ohani laigan nu belemiu, boli montaha'imani sangko sangalu nu belemiu. Obala'ingati na belemiu motatae, mau mule' anu mohongo posi bengkele' nu belemiu.

ANU PINOTO'I HI YOHANES 17:13

Sampu-sampulu' na tomundo aijo', iwi-iwi' ko patuju anu pokakana; aha iwi-iwi' mombee'mo kahosonannyo ka' kakuasa'an nu aha i binatang aijo'.

ANU PINOTO'I HI YOHANES 17:16

Sampulu' na tanduk anu tinoa nu beleyum ka' binatang aijo' mongka' idekije mian masala' aijo'. Iwi-iwi' na apaa nu agoimo nu aha na anu daagi' hi ia, ka' nu langgo'imo na ia. Antoknyo nu kaanmo nu aha ka' apuje na bau pompateinyo.