MOHAANGI 1:17 - KITAB NU TUMPU ALLA LELE MA'IMAI'

¹⁷ I hangkatku na lima da momoita tulung panyo madi' ko anu mombee'i potatae anu moko sanang. Lengkat mae iya'a Tumpu nonsaimo mae sampobali'; aha tinokamae nompahampateakonmo aku. Aku binaumo susumo duhehe, balang anu okahegati aijo' hi aha.

MOHAANGI 1:17 ပူးပေါင်းရင်းမြစ်များ

1 TOMU-TOMUNDO' 8:22

Lapas aijo' i ahop nu mian da'isan anu tinokamo, i Salomo tinuminjomo nongahopi mezbah lantas nohangkatmo ua-uambiha' na limanyo,

1 TOMU-TOMUNDO' 8:38

otaha'imani da Belento mompotombihingakon mae do'a nu aha. De ko mian nu Israel anu pinalesayamo hi Belento daagi' ko anu talalomo susa' na kinyonyoa balado'a hi Belento ka' ia monsimpalaakon limanyo mompatui laigan ponsomban aiya,

2 TOMU-TOMUNDO' 25:1

Lapas aijo' i Zedekia notomuhukmo hi Nebukadnezar tomundo' nu Babel. Kalana aijo' i Nebukadnezar tiba suludadunyo iwi-iwi' tinokamo mae nontumbuhi Yerusalem i tanggan sampulu' bitu'on ko sampulu'nyomo, i taun ko osio'nyomo na i Zedekia nompalentah. Aha nombaumo palung i sambiha'nyo nu kota' ka' nontambunmo tano' bau pontikuan

ANU MOMPOLELE POTATAE NU TUMPU 4:1

Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YESAYA 54:11

Tumpu notatae, “O Yerusalem, kota' anu sinusa'mo, beleyum madi'mo moko ala mombau apa-apaa ka' madi'mo ko anu momposanang kinyonyoa. Pundasinyo haha aijo' po'ule'mo Ku bau akon, tiba to batu-batu anu halaga'nyo mahan.

YEREMIA 12:9

Aha sumomo ahi' tomonsi' anu kahanda'mo nu sabut nu bonyia' anu lengkat mae iyaya na tampat. Lagamo mae iwi-iwi' na binatang nu alas da suele ahi' mongingkotimo aha.

YEREMIA 15:5

Tumpu notatae, “O mian anu jojoong i Yerusalem, ihe na saidi' mae mongkalibosi belemiu? Ihe na anu mongka'oho' susa' na kinyonyoa tiba belemiu? Ihe na anu mongka'oho' sonsoo' mompokilawa pa' nosiamo na belemiu?

YEREMIA 16:6

Mian anu kaya tiba mian anu kasiasi ilipu' aiya saidi' mae de silakamo madi'mo daagi' ko anu molamun aha. Madi'mo daagi' kosamian anu monsakisa butongnyo kabai mongkis ubaknyo salaku tanda susa' kalana ko anumo sinilaka na aha.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 4:31

Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

YEREMIA 6:3

aha anu balakuasa mombaumo kema' kiijo' mae tiba suludadu nu aha. Titikup na kota' aijo' nu potinjo'mo nu aha na kama-kema' nu aha, toto samian itampat anu nu ka'ima'i nu aha.

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

YEHEZKIEL 36:17

“O manusia anu madi' tumuu' batu, tempo'nyo aha mian Israel jonojoongmo ilipu' nu aha, palabuatan nu aha nohumimi'imo butong nu aha. Ku anggap na palabuatan nu aha aijo' anu ahi' madi' pantas obau pokakanamo sumo boune anu hau-haunyo tinokamo na adat nu aha boune.

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.