MOHAANGI 1:1 - KITAB NU TUMPU ALLA LELE MA'IMAI'

¹ Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 1:1 ပူးပေါင်းရင်းမြစ်များ

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

2 TOMU-TOMUNDO' 23:33

I Yoahas madi'mo nompalentah salatan i Nekho tomundo nu Mesir nohakopmo ia kiijo' mae i Ribla i da'erah Hamat, ka' binoamo nu aha ka' nompakisamo Yehuda nombayan hasin hi ia konjoo'nyo 3.400 kilogram na salaka tiba 34 kilogram na mosoni'.

2 TOMU-TOMUNDO' 23:35

Pombayan hasin anu nupoita i tomundo' Mesir, i Tomundo' Yoyakim mongala hasin anu lengkat mae hi mian da'isan iya na anu nupoko ala nu humpak nu aha toto samian.

2 TAWARIKH 9:26

Ia mongkuasai to tomu-tomundo anu i da'erah lengkat pe'e mae i Kaunyo Efrat toka-toka i lipu' nu aha Filistin ka' potempasan tiba Mesir.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

NEHEMIA 5:4

Ka' daagi' mule' ko anu notatae, “Nonsabonmo doi bau polunasi hasin anu tinantukanmo i tomundo', aijo'mo hasin nu ale' sosu'anon sangga'at, ka' mule' ale' nu anggur mami.

NEHEMIA 9:37

Iwi-iwi' na hasinnyo anu ohumpak i tano' aiya, tionyo ahi' obee'mo hi to tomu-tomundo' nu lipu' To mia-mian anu balakuasa haha aijo' anu i hangkatmo nu Belento da mompalentah mian anu palesayamo hi Belento. Salaku hukuman nu dosa' anu binaumo mami hi Belento. Aha nompalentahmo mae yayamo pa' apaa na anu nu kahanda'i nu kinyonyoa nu aha, mompalentah butong mami ka' mule' mongkuasai potuu'on mami. Kalana aijo' kami nongoa'imo kasansala'an, saja'mo sinakisa ka' mule' saja'mo tinokan nu kasusa'an!”

MAZMUR 122:4

I aiyamo na katokaan mae nu tulunan nu to bansa-bansa, tulunan nu to bansa-bansa anu pinile'anmo nu Tumpu, da montalima kaseh hi Ia susumo anu pinalentahkon-Nyomo.

YESAYA 14:12

O, tomundo' nu Babel, naipuan mae beleyum mandala' tatumbongi' ohani mopatas anu majingka hondo, panyo uuka aiya nanabu'mo lengkat mae aita' ilangit! Naipuan mae beleyum nompatundu'mo bansa-bansa panyo uuka aiya ilumbu'akonmo mae i tano'.

YESAYA 22:2

Madi' pantas na iwi-iwi' na kota' sola' mombau bau-bauon ka' lewa' montaligalai. Kalana iwi-iwi' na suludadu nu belemiu anu sinilaka aiya misa' sinilaka kalana nahampate.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YESAYA 49:21

Sahingga beleyum motataemo i uno nu kinyonyoa ‘Ihe na nompohampe anak haha aiya hi belengku? Te misa' nolapusmo ahi' na to ana-anaku, ka' madi'mo ahi' daagi' mompohampe? Aku binoamo ka' pinojoongmo kiijo' mae ka' ingalinmo, ka' pinala'ianmo me ahi' sausa'. Jadi lengkat mae iya na anak haha aiya ka' ihe na nompidaka'i aha?’ ”

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

YESAYA 52:2

Tinjomo lengkat mae atina' i abu' o Yerusalem, sapui na abu' anu natikampitmo i butong nu beleyum. Bukai na lante' anu atina' sego-segot i gogohong, nu beleyum. O, mian anu jojoong i Sion anu i hakopmo!

YESAYA 52:7

Talalo hondo sanang na montoa katokaan nu mian anu sinai mae; ia lumajang notulu i bungkutnyo ka' nomboa lele ma'ima', lele anu moko bilahi kantumuu'an, lele kasalamatan hi aha Sion; koonyo, “Tumpu nu beleyum Tomundo!”

YESAYA 54:4

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

YEREMIA 40:9

I Gedalya notataemo hi aha, “Belemiu madi' palalu mabuhuk ka' ta'aluk hi aha mian nu Babel. Jojoongmo ilipu'to aiya, ka' timbalimo ahi' botuan i tomundo' Babel. Ku taha'imani belemiu saidi' mae jadi' ma'ima'.

YEREMIA 42:2

hi belengku ka' nompoto'i, “Kita tuuma, susumo anu pinosi toamo nu kita Tuuma, kami aiya naipuan mae manjoo', panyo uuka aiya me sangkiding. Opoita mami kita Tuuma da mondo'akon mae kami hi Tumpu Allah anu nu sombah nu kita Tuuma. Do'akon mae na kami anu daagi' tinontuha' aiya,

YEREMIA 44:2

Sumo uuka na potuunon nu Tumpu Anu Mahakuasa, Tumpu Allah Israel hi aha, “Belemiu nonsakisimo balaa' anu pinokonang-Kumo hi Yerusalem tiba hi iwi-iwi' na kota' sangga'at nu Yehuda. Sampe uuka aiya kota' haha aijo' daagi' hau-haunyo hansun madi'mo ko anu nonjojoongi,

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

YEREMIA 50:23

Songko-songko na dunia pinanmo nu Babel sampe ihansun, panyo uuka aiya pompan aijo' nopato'mo! Songko-songko na bansa tinolokengkengmo na nohongo apaa na anu tinadimo ilipu' aijo'.

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

MOHAANGI 2:10

Aha to tu'a-tu'anyo nu kota' momo'mo suha-suhang i tano'; aha nongkakambuhakonmo abu' aita i ubak nu aha, ka' nompakemo hude kalung salaku tanda sinusa'mo Tolalangkoyang nompodukumo ahi' suele ubak nu aha toka-toka i tano'.

MOHAANGI 4:1

Mosoni' anu jongkilaban madi'mo jinongkilaban iwi-iwi na batu i laigan nu Tumpu Allah nodaya-dayamo i jalan.

MOHAANGI 5:16

Katalasanggoan mami madi'mo daagi kami binalaa'mo kalana binaladosa'mo.

YEHEZKIEL 26:16

Montoa uki' nu beleyum anu sinumo atina'mo, sahingga to tomu-tomundo' nu bansa-bansa anu isonibi nu ambai tuminjomo madi'mo sumuhang i tahtanyo ka' nu ukatmo nu aha na baju' pesalin tiba baju' nu aha anu sinujian, lantas sumuhangmo panyo nu lakatmo aijo' itano'. Aha mabuhukmo ahi' hondo sahingga madi'mo tenda na nu oa'i nu aha.

YEHEZKIEL 26:2

“O, manusia anu madi' tumuu' batu, aha mian anu jojoong i Tirus sola'mo nontaligalai ka' nontaloakon, ‘Yerusalem ihansunmo! Kamajuan nu aha baladagang imadi'anmo! Ia madi'mo moko ala mongkakanai mae kita!’ ”

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’