MIKHA 7:2 - KITAB NU TUMPU ALLA LELE MA'IMAI'

² Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

MIKHA 7:2 ပူးပေါင်းရင်းမြစ်များ

MAZMUR 12:1

Anu mongkapalai panyanyi. Lagunyo ingala i lagu anu ko uwalu'nyo. Mazmur i Daud.

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

MAZMUR 57:6

O, Tumpu, potoa mae na katalasanggoan nu Belento aita' i langit, ka' katalasanggoan nu Belento suele i songko-songko na dunia.

AMSAL 1:11

De bisuannyo aha motatae, “Imbo', da kita molio mian ka' obandahi na ia. Imbo' da osoba-sobanto o tumbuhintomo na mian anu madi' ko sala'nyo.

AMSAL 12:6

Potatae nu mian anu ma'idek na kinyonyoanyo monsilakai; panyo potatae nu mian anu madi' tageo' na kinyonyoanyo momposalamat.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YESAYA 57:1

Mian anu ma'ima' na gau'nyo ka' palesaya hondo hi Tumpu, de silakamo madi' ko samian pe'e na mompalahatikan ia. De silakamo aha madi'mo daagi' nukona nu kasansala'an ka' aha nilawemo i tampat anu madi'mo ko anu mompoposia.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEREMIA 16:16

Tumpu notatae, “Aku kahanda'mo molaga manjoo' na anu saja mompagala ikan da mohakop mian haha aiya. Lapas aijo' Aku kahanda'mo molaga manjoo' na anu saja' mombebas da mombebasi aha aita' mae itoto sa'angu' na bungkutnyo tiba puge'nyo ka' mule' itoto sa'angu' na liang nu bungkutnyo nu batu.

YEREMIA 5:16

ka' mule' anu topo pana' nu aha to babaani hondo; aha mompatei madi'mo daagi' monginau kalibosan.

YEREMIA 5:26

O mian anu palesayamo hi beleng-Ku, atina' hi belemiu daagi ko to mia-mian anu ma'idek na kinyonyoanyo. Susumo mian anu mondoyoni so'o anu pinota'annyo bau pohakop tomonsi'sumo aijo'mo na aha nonta'an so'o bau pohakop manusia.

YEREMIA 8:6

Aku nompotombihingmo ima-ima' panyo belemiu madi' motatae mae susumo ahi' anu sahondo-hondonyo. Madi' kosamian anu atina' hi belemiu na mompele-pele'mo ipalabuatannyo ma'i-ma'idek aijo'. Madi' ko anu motatae, ‘Apaa na kasala'anku?’ Belemiu iwi-iwi' montulumo posi jalan nu belemiu susumo ajahan montumbuhimo mokiijo' ipahampatean.

MOHAANGI 4:18

Kami madi' moko posabat mokiijo' i jalan, kalana saja' nupalahatikan nu sampobali'. Kahimpusan nu kantumuu'an mami ohanimo, kalana sina nu kantumuu'an mami ginanapmo.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 24:6

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo'! Kota' aijo' sumomo ahi' kuhon anu ingatakonmo anu madi'mo toho' ginegesan. Antok nu binatang anu aijo' i unonyo toto sampadot na osangku' mae sampe mingkotmo iwi-iwi' madi'mo daagi' ko anu kiijo' i unonyo.

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

MIKHA 2:8

Tumpu nontaami, “Belemiumo na anu nontumbuhi mian-Ku anu palesayamo susumo anu monsampobali. Mian ninsusule'mo mae i pahampatean ka' nontaha'imanimo au'aitu madi'mo ko anu mompoposia pada han ikiijo' mae belemiu nontanda'imo ahi' da mongagoimo laigannyo.

MIKHA 3:10

Belemiu nombaumo Yerusalem kota' nu Tumpu, panyo lewa'mo nompatei mian ka' madi'mo kino ka adilannyo.

MIKHA 3:2

panyo belemiu ola mule' ahi' mongka'ideki palabuatan anu ma'ima' ka' mongka'ima'i palabuatan anu ma'idek. Kinilitanmo nu belemiu titu-tituu' na bansangku, ka' mule' belemiu nombentekimo antok nu aha anu aijo' i buku nu aha.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

SISIKON NU TO RASUL-RASUL 24:9

To mia-mian Yahudi anu i kiijo' suele nontuukmo i Paulus ka' mompototu'u iwi-iwi' anu tinaloakon i Tertulus.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 26:20

Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”