MIKHA 7:17 - KITAB NU TUMPU ALLA LELE MA'IMAI'

¹⁷ Aha dumadangkangmo i tano' susumo ulo. Kalana mabuhukmo ka' langkakatanmo aha mosabatmo mae aijo' i binabentengan nu aha, lantas tokamo mae hi Belento o, Tumpu mami.

MIKHA 7:17 ပူးပေါင်းရင်းမြစ်များ

2 SAMUEL 22:46

Aha madi'mo kinokabaaniannyo; aha ilakatnyomo ka' nosabatmo i benteng nu aha.

2 TAWARIKH 17:10

Binaumo nu Tumpu na kalaja'an iwi-iwi' anu mompaha'ohani Yehuda da nabuhukmo na mahampate mongewa i Tomundo Yosafat.

MAZMUR 18:45

To mia-mian anu lengkat mae i salipu'an mongkabuhuk hondo aku ka' tulu-tulutan hondo de mohongomo palentahgku.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 72:9

Mian anu monjojoongi i padang tampat anu mateges matundu'mo hi ia ka' anu monsampobali ia tolodadupumo i ahop nu tengkenyo.

MAZMUR 9:20

Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

YESAYA 25:3

Belento nu puji'mo nu to bansa-bansa anu toto hoso-hoson, ka' okabuhukmo iyaya mae na kota' nu to bansa-bansa anu buhingison.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 64:2

susumo apu mompomoakmo kau' ka' mompolumua'mo uee. Potoamo na kakuasa'an nu Belento hi to sampo-sampobali' nu Belento, sahingga iwi-iwi na bansa langkakatanmo i ahop nu Belento.

YESAYA 65:25

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

YEREMIA 16:16

Tumpu notatae, “Aku kahanda'mo molaga manjoo' na anu saja mompagala ikan da mohakop mian haha aiya. Lapas aijo' Aku kahanda'mo molaga manjoo' na anu saja' mombebas da mombebasi aha aita' mae itoto sa'angu' na bungkutnyo tiba puge'nyo ka' mule' itoto sa'angu' na liang nu bungkutnyo nu batu.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

MOHAANGI 3:29

Sahanyo kita mompoduku butong ka' boli mombau apa-apaa. Kalana ugaat daagi' ko anu otaha'imani.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

YOSUA 9:24

Tinaaman nu aha, “Obaumo mami susumo itina' kalana ihongomo mami na Tumpu Allah anu osombah nu belento Tuumangku aijo' nompokaumo i Musa, posaihon-Nyo aijo', mombee'mo hi belento Tuumangku songko-songko na lipu' aiya ka' mompateimo iwi-iwi' na anu jojoong ikiijo' de belento Tuumangku mongalamo tano' aijo'. Mabuhuk na kami de saidi' mae kami opateimo, mokonyo aijo' obaumo mami na iwi-iwi' itina'.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.

1 SAMUEL 14:11

Salatan aha ua-ua aha nanintoamo hi aha mian nu Filistin anu kiijo' i ponjaga'an, notataemo mae na aha mian nu Filistin haha aijo', “Soba toa daagi ko aha to mia-mian nu Ibrani anu nosabatmo mae lengkat i bolo' anu pinaninsulukan nu aha!”