MIKHA 6:14 - KITAB NU TUMPU ALLA LELE MA'IMAI'

¹⁴ Belemiu mongkaan panyo madi' mobosu, ola mule' ahi' tataap mo'ohop. Belemiu mongato bala-balang panyo madi' opoko ala ojagai. Maumo pa' apaa na anu ojagai nu belemiu Ku hansunimo i uno nu pahampatean.

MIKHA 6:14 ပူးပေါင်းရင်းမြစ်များ

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 65:13

Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.

YESAYA 9:20

Aha mian nu Manasye tiba aha mian nu Efraim mompaha tumbu-tumbuhimo lantas mosangalumo mongewa Yehuda. Panyo Tumpu daagi' ahi' tataap motambuha' ka' tataap mule' ahi monabu'akon hukuman.

YEREMIA 48:44

Mian anu mompalaimo da madi' ko kasilaka'an manabu'mo i bolo' ka' anu moko ala mingkemuat mae i bolo' nu konamo ahi' nu so'o. Iwi-iwi' aijo' jadimo ahi' de tokamo itempo'nyo na anu tinantukan-Kumo da mohansunimo Moab.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

HOSEA 4:10

Belemiu mongkaan to kolo-loloban anu osombahkon, panyo belemiu tataap mo'ohop. Belemiu monsombahmo to pilo-pilogot anu moko polumba', panyo belemiu mian da'isan tataap madi' mintuang, kalana belemiu nohikumo Aku ka monsombahmo, to pilo-pilogot sangga'atan.”

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

HAGAI 2:16

Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.