MIKHA 2:4 - KITAB NU TUMPU ALLA LELE MA'IMAI'

⁴ Nasib nu belemiu nu gunakonmo nu mian bau ponsindin ka' aha mongajanmo nyanyian anu onyanyiakon de ko anumo silaka, sumo uuka, ‘Tumpu nonsilakaimo lipu' mami aiya ka' mule' nombee'mo hi aha anu nomboamo kami. Kami memang ahi' ihansunmo totu-totu'u.’ ”

MIKHA 2:4 ပူးပေါင်းရင်းမြစ်များ

2 SAMUEL 1:17

Lapas aijo' i Daud lewa'mo nohangi ka' nonyanyiakonmo i Saul tiba i Yonatan,

2 TAWARIKH 35:25

I Nabi Yeremia nontulismo sa'angu' na nyanyian bau pohangi i Tomundo Yosia. Sampe sangkutnyo tempo' uuka aiya nyanyian aijo' daagi' saja' onyanyi nu to panya-panyanyi i Israel, mau mo'ane kabai boune, de mombaumo adat monginau' i Yosia sinilakamo. Nyanyian aijo' pinosa'angu'mo i kitab nu nyanyi-nyanyian anu bau ponyanyiakon mian silaka.

AYUB 27:1

I Ayub po'ule' mule' nontusakon potataenyo, ia notatae, “Juno nu sanggo sanggo nu Tumpu Allah anu tumuu', anu madi' mae nombee'i ka'adilan hi belengku,

YESAYA 14:4

De nu posidamo nu Tumpu na aijo' nu alumo nu aha na itomundo' Babel sumo uuka, “Tomundo' anu buhingison pinatundu'mo! Ia madi'mo daagi mombee'i mae pakalaja'an anu monsakisa.

YESAYA 24:3

Tano' tabuntala'mo ka' mule' ohansunimo. Tumpu nontaloakonmo, ka' han aijo' tionyo ahi' jadi.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEREMIA 6:12

Laigan nu aha obee'mo hi aha mian sangga'at, sumo aijo' mule' ale' tiba bengkele' nu aha. Mian anu jojoong ilipu' aiya Ku hukumo.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

YEHEZKIEL 16:44

Tumpu notatae, “O, Yerusalem, to mia-mian montaeakonmo potatae aiya hi beleyum, ‘Susumo tinanyo, sumo aijo'mo na anaknyo boune.’

YEHEZKIEL 2:10

anu tinulisan sambiha' ka' sambiha'. Lantas binuka'nyomo na lulunan aijo' ka' ikiijo' tinulis lewa' humang, lewa'mo nompele-pele', ka' lewa'mo nongoa'i kasusa'an.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:8

Haangmo o mian, susumo langkoyang anu sinusa'mo anu mohangimo kasilakan nu sindua'annyo anu nu kalibosi hondo.

AMOS 5:1

Potombihing mae mian nu Israel! Aku kahanda'mo monyanyiakon hi belemiu sa'angu' na nyanyian de ko anu silaka:

AMOS 5:17

I iwi-iwi na ale' nu anggur, mian singkapmo tinumando' kalana Aku Tokamo mae mohukum belemiu. Aku na Tumpu anu notataemo.”

MIKHA 1:15

O, mian nu Maresya, Tumpu mombee'mo belemiu hi sampobali' anu mompatundu'mo kota' nu belemiu. To pola-polaya' nu aha Israel anu balakuasa matisulukmo i uno nu to lia-liang kiijo' mae i Adulam.

MIKHA 1:8

Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.

MIKHA 2:10

Tinjomo ka' lako'mo i aiya madi'mo daagi' ko ka amanannyo. Iwi-iwi' na dosa' nu belemiu nompotokamo mae balaa' anu okabuhuk hondo i tampat aiya.

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

ZEFANYA 1:2

Tumpu notatae, “Aku mohopu'imo iwi-iwi' na anu i dunia aiya:

NOMBILANGMO 23:18

Lantas i Bileam nompoto'imo apaa na anu jadi, sumo uuka, “O, Balak, anak i Zipor, imbo' toka mae aiya potombihing apaa na anu kahanda' ku taloakon.

NOMBILANGMO 23:7

Lantas i Bileam nompoto'imo sisikonnyo sumo uuka, “Lengkat mae i Aram, bungkutnyo kiijo' mae i sasu kabete'an, i Balak, tomundo nu aha Moab nolagamo aku, ka' notatae, ‘Tokamo mae, poto'i mae hi belengku. Kutukimo na bansa Israel aijo'!’

NOMBILANGMO 24:15

Lantas i Bileam nontaloakonmo potatae sumo uuka, “Aiya na potuunon i Bileam, anak i Beor; potatae nu samian anu nontoamo

NOMBILANGMO 24:3

ka' ia nompoto'imo apaa na anu i hongonyomo. “Aiyamo na potuunon i Bileam, anak i Beor, potatae nu samian anu nontoamo

MARKUS 12:12

Sahingga to tu'a-tu'anyo nu bansa Yahudi anu nohongo kantuang aijo', mompagala mohakop i Yesus, kalana nusumbu' nu aha na kantuang aijo' nupatuakon i Yesus hi aha. Panyo aha mabuhuk hi mian da'isan. Jadi aha nambamo nompala'i Yesus.

PO'ULE' INGULIT 28:29

Sonsu'un na sinaa belemiu me lewa' mahakanyangan susumo mian anu napisokmo, panyo madi' mohumpak jalan. Iwi-iwi' na anu obau nu belemiu madi'mo ko anu timbali. Belemiu me saja' osansalai ka' obulingi, ka' madi' ko anu montulungi belemiu.