MAZMUR 98:1 - KITAB NU TUMPU ALLA LELE MA'IMAI'

¹ Mazmur. Nyanyiakonmo hi Tumpu na nyanyian anu sala'je ingajan, kalana apa-apaa na anu binau-Nyomo talalo ahi' okabangangi! Ola samata-mata kakuasa'an ka' posi kahosonan-Nyo. Ia nohumpakmo ka'untungan na, nahampate.

MAZMUR 98:1 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 136:4

Ola Ia na anu nombaumo han anu okabangangi toto daka-daka'; kalibosan-Nyo sampe toka sidu-sidutu'.

MAZMUR 139:14

Ku puji' na Belento kalana aku talalo ahi' ma'ima'! Iwi-iwi' na anu binaumo nu Belento okahelani ka' talalo ahi' okabangangi, totu-totu'u ku sumbu' na han aijo'.

MAZMUR 149:1

Opuji' na Tumpu! Nyanyiakon na nyanyian anu sala'je ingajan bau pompuji' Tumpu, opuji' na Ia, ikasintomuan nu mian anu palesayamo hi Ia!

MAZMUR 33:3

Nyanyiakon na nyanyian anu salaje' ingajan bau pompuji' Tumpu, kuti' ima-ima' na kasapi' ka' pontaligalai lame-lame'!

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

MAZMUR 77:14

O, Tumpu, iwi-iwi' na palabuatan nu Belento susi' hondo, ihe na anu sumo Tumpu mami, anu daka' hondo na kuasa-Nyo?

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

MAZMUR 89:14

Talalo hondo daka' na kuasa nu Belento ka' talalo hondo daka' na kahosonan nu Belento!

MAZMUR 96:1

Nyanyiakonmo na nyanyian anu sala'je ingajan bau pompuji' Tumpu! Panyanyimo puji' na Tumpu, o, belemiu songko-songko na dunia!

MAZMUR 96:3

Sisikakon na Ia aijo' talasanggo hondo hi to bansa-bansa, ka' apa-apaa na palabuatan-Nyo anu talalo hondo daka'.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

YESAYA 12:5

Panyanyimo da bau pontalima kaseh hi Tumpu, kalana Ia nombaumo manjoo' na anu okabangangi. Bakas da songko-songko na dunia, mohongo mo palabuatan-Nyo.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 59:16

Ia binangangmo kalana madi'mo ko anu tinolo aiha' ka' madi'mo ko anu nonsangaja'i. Sahingga nosi alamo kuasa-Nyo na Ia da momposalamatmo ka' mombee'imo aha kamenangan.

YESAYA 63:5

Aku nolio, panyo madi' ko anu nontulungi mae, Aku binangangmo kalana madi' ko anu nombantui mae. Lantas posi kahosonan-Ku na nontulungi mae Aku tambuha'-Ku na nontulungi mae Aku.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

LUKAS 1:49

Kalana Tumpu Anu Matangkas na Kuasa nombaumo anu to daka-daka' hi belengku. Susi' na sanggo-Nyo.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 19:20

Tiba jalan anu okabangangi sumo aijo', potatae nu Tumpu nompaka togilelemo ka' nompaka pahosonmo na kuasanyo.

SISIKON NU TO RASUL-RASUL 2:11

daagi' ko to mia-mian nu Yahudi ka' suele to mia-mian bansa sangga'at anu ninsoopmo agama Yahudi; daagi' mule' ko anu tinoka lengkat mae i Kreta ka' i Arab. Kita iwi-iwi' nohongomo aha notatae nu basa'to, toto samian mongkona hahan anu okabangangi anu binau nu Tumpu!”

KOLOSE 2:15

I Salib aijo' pinotimbalimo i Kristus na to roh-roh iwi-iwi' anu mompalentah ka' mongkuasai madi'mo daagi' moko ala mombau apa-apaa. Aha opotimbalimo anu opotoakon nu mian da'isan de i Kristus mohela'mo aha salaku mian anu ihakopmo ka' pinolondamo kalana Ia nompatundu'mo aha.

ANU PINOTO'I HI YOHANES 14:3

I ahop nu kasuhangan ka' opat na malaikat tiba to pola-polaya' anu nontikubi kasuhangan aijo', 144.000 na mian aijo' nonyanyiakonmo sa'angu' na nyanyian anu sala'je i nyanyi. Nyanyian aijo' madi' opoko ala ogulu'i mau mule' pa' ihe de misa' aha anu 144.000 na mian aijo' anu pinobebasmo mae i dunia.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.

ANU PINOTO'I HI YOHANES 6:2

Sahingga aku nontoa, lantas aku nondinmo sa'angu' na ajahan mopute'. Anu nonsake'i, nontoongi sa'angu' na pompelet ka' hi ia binee'an sa'angu' makota. Ia nambamo sumo samian anu nohumpakmo ka'untungan nahampate anu mamba nompo'ago da nohumpak ka'untungan mahampate.