MAZMUR 97:10 - KITAB NU TUMPU ALLA LELE MA'IMAI'

¹⁰ O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

MAZMUR 97:10 ပူးပေါင်းရင်းမြစ်များ

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

MAZMUR 119:104

Iwi-iwi' na atulan nu Belento nompopangalati'mo aku, sahingga aku nongka'idekimo kalakuan anu tageo'.

MAZMUR 119:163

Iwi-iwi' na anu madi' totu'u ku ka'ideki, panyo atulan nu Belento ku ka'ima'i.

MAZMUR 121:7

Tumpu na monjagai beleyum da madi' mohumpak balaa' Ia na monjagai beleyum da kantumuu'an nu beleyum salamat.

MAZMUR 125:3

Mian anu ma'idek na kinyonyoanyo madi' saja'mo montoongi kakuasa'an i tano' pusaka' nu mian anu hodi' na kinyonyoanyo, da mian anu manonong madi' mosele mombau anu ma'idek.

MAZMUR 145:20

Ia monjagai batu-batu mian anu mongka'ima'i, panyo anu ma'idek na kinyonyoa-Nyo nu patei.

MAZMUR 31:23

Salatan aku biningongmo aku nonsangkamo Tumpu nongalinmo aku da majo'onmo hi ahop-Nyo. Panyo ihongo-Nyomo ahi' mae na anu kinakase'kumo tempo'nyo aku nomoitamo tulung hi Ia.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 36:4

Potataenyo saja' anu toto ide-idek ka' kaho potatae anu mongakali ia madi'mo daagi mombau anu ma'ima' ka' madi'mo montiho kalakuan nu mian anu pande.

MAZMUR 91:14

Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

AMSAL 2:8

Tumpu monjagai to mia-mian anu saja' adin, ka' monjagai aha anu mongka'ima'i Ia.

AMSAL 3:7

Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek.

AMSAL 8:13

Mongadati Tumpu alati'nyo mongka'ideki palabuatan anu ma'idek. Aku madi' mongka'ima'i anu ko bubun ka' anu mosi akui butongnyo. Aku mongka'ideki kalakuan anu ma'idek ka' mule' potatae anu mongakali.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YEREMIA 15:21

Aku mompobebasamo beleyum da madi' nu kuasai nu aha to mia-mian anu ma'idek na palabuatan nu aha ka' talalo ahi' singgi. Aku, Tumpu, notataemo.”

DANIEL 3:28

Lantas notataemo na i tomundo', “Opuji' na Tumpu anu nu sombah i Sadrakh, i Mesakh tiba i Abednego. Ia na nonsaimo mae malaekat-Nyo da momposalamat aha totototolu' na to posa-posaihon-Nyo anu palesaya hi Ia. Aha nolanggaimo palentah-ngku ka' lebe mongka'ima'i mate de mule' monsombah kabai mompopodaka' pilogot mau pa' iyamae, ola ahi' bailako' Tumpu nu aha.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

DANIEL 6:27

Ku palentahkon hi iwi-iwi' mian anu jojoong i kalaja'anku da mabuhuk ka' moholomati Tumpu anu nu sombah i Daniel! Ia atina'mo na Tumpu anu tumuu' sampe toka sidu-sidutu', sampe toka isinaa kakiamatan na Ia mompalentah. Kalaja'an-Nyo sabole-bole totinjo. Kakuasa'an-Nyo madi' ko kamingkotannyo.

AMOS 5:14

Mompagala mombau anu ma'ima' ka' boli mombau anu ma'idek da belemiu timbali tumuu'. Sahingga Tumpu Anu Daka' na Kuasanyo totu-totu'u jojoong hi belemiu susumo anu tinaloakonmo nu belemiu.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 7:15

Kalana posi aku madi' kusumbu' na anu binaungku. Anu kupaibau aijo' na madi' binaungku; panyo anu kuku ka'ideki aijo' mule' na binaungku.

ROMA 7:24

Jadi, sumo aiyamo na balu-balunyo nu aku. Aku mohongo-hongo atulan nu Tumpu mombatuki pikilanku, panyo kalana sipat nu mian daagi' i butongku, aku tinundu'mo i dosa'. Paya' na butongku aiya binalaamo! Ihena mongka'oho' momposalamat aku, i butong aiya anu momboa aku i kapatean? Talima kaseh hi Tumpu Allah! Ia na mongka'oho' momposalamat aku hi Yesus Kristus.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

2 TESALONIKA 3:2

Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

1 YOHANES 4:19

Kita mongkalibosi, kalana Tumpu momonamo na mongkalibosi kita.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.