MAZMUR 97:1 - KITAB NU TUMPU ALLA LELE MA'IMAI'

¹ Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

MAZMUR 97:1 ပူးပေါင်းရင်းမြစ်များ

KAJADIAN 10:5

Aha mompolee' nu to bansa-bansa anu jojoong i biwi nu ambai ka' i to togo-togong. Aijo'mo iwi-iwi' na lee' i Yafet. Batu-batu bansa ka' tulunan nu bansa jojoong i posi-posi lipu'nyo ka' ko posi basa'nyo.

MAZMUR 2:11

Sabole-boleh Tumpu na osombah ka' okabuhuk ka' tuluti na palentah-Nyo,

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 41:5

Mian anu jojoong ilipu' anu toto jo'o-jo'on nontoamo mae apaa na anu binaung-Kumo. Aha tinolokengkengmo ka' ilakatnyomo kalana nabuhukmo, lantas sinihukmo hingga-hinggat ka' tinokamo mae.

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 49:1

Potombihing mae na aku, o, lipu' anu toto jo'o-jo'on opalahatikan na potataengku. Tumpu nolagamo aku ma'isa pe'e aku pinohampe, Ia nompile'imo aku daagi' pe'e i uno nu ma'alum.

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 51:5

Kasalamatan anu Ku bee'mo ingohanimo, tempo'nyo nu kamanangan-Ku malia'mo mae toka. Akumo ahi' na mompalentah to bansa-bansa. Lipu' anu toto jo'o-jo'on saja'mo montanda'i Aku ka' montaha'imanimo palabuatan-Ku anu daka' hondo.

YESAYA 60:9

Aijo'mo na to kapa-kapan anu tokamae balabu momboa mae mian anu palesayamo hi Tumpu anu ninsusule'mo mae lengkat i lipu' anu majo'on. Salaka tiba mosoni' suele binoanyo mae da bau pompuji' Tumpu nu beleyum, hi Tumpu Israel Anu Susi' hondo, anu mombau da mian-Nyo anu palesayamo hi Ia oholomati.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

MATIUS 3:3

I Yohanes aiyamo na anu koonyo i Nabi Yesaya i uno nu potataenyo, “Daagi' ko mian anu saja' noloboo' i padang bone', ‘Posadiakon na jalan nu Tumpu; pohatakon na jalan hi Ia.’ ”

MATIUS 6:10

Kitamo na Tomundo' mami. O'amalakon kitamo na mompalentah i dunia ka' kahanda'to o tuluti sumo i suluga'.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MARKUS 11:10

Higahiyakon na kapalentahan-Nyo anu tokaje mae – pamalentahan i Daud mompolee'to! Puji'mo na Tumpu Anu Matangkas na Kuasa-Nyo!”

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

ANU PINOTO'I HI YOHANES 11:17

Aha notatae, “Tumpu, Tumpu Anu Matangkas na kuasanyo, anu daagi'mo, ka' anu polo-polo'mo daagi'! Kami montalima kase hi Kita kalana Kita nompakemo kuasa-nTo anu daka', ka' nontampu'unimo mompalentah!