MAZMUR 96:2 - KITAB NU TUMPU ALLA LELE MA'IMAI'

² Panyanyimo puji na Tumpu, ka' puji' na Ia; sansina-sinaa bebakon na lele anu moko lame' saba' Ia nomposalamatmo kita.

MAZMUR 96:2 ပူးပေါင်းရင်းမြစ်များ

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

MAZMUR 145:1

Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 145:10

Iwi-iwi' na anu pinotimbalimo nu Belento mompuji'mo Belento, o, Tumpu, iwi-iwi' na anu pinalesayamo hi Belento montalima kasemo hi Belento.

MAZMUR 145:2

Sansina-sinaa aku montalima kasemo hi Belento, ka' mompopodaka'mo Belento sampe toka sidu-sidutu'.

MAZMUR 40:10

De sihukmo na mian anu palesayamo hi Belento, ku polelemo na lele anu moko lame' aijo'mo, Belento nomposalamatmo kami. Madi'mo bele-belenti na han aijo' ku bebakon, Nu sumbu' nu Belento na aijo' iwi-iwi', o Tumpu.

MAZMUR 71:15

Sansina-sinaa ku sisikakon apa-apaa na palabuatan nu Belento anu adin, ka' kasalamatan anu lengkat mae hi anu madi'-Mo opoko ala obilang.

YESAYA 40:9

Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

ANU PINOTO'I HI YOHANES 5:13

Lantas aku nohongomo iwi-iwi' na malaikat i langit, i dunia, i aluk nu dunia ka' i uno nu ambai – pende'nyo iwi-iwi' na malaikat i songko-songko na dunia aiya – nanyanyimo, “Ia anu sinumuhang i kasuhangan aijo', ka' Anak nu Domba anu Opopodaka' aijo', atina'mo na o puji', ka' o adati ka' anu talasanggo ka' mongkuasai sampe toka sidu-sidutu'!”