MAZMUR 95:7 - KITAB NU TUMPU ALLA LELE MA'IMAI'

⁷ Kalana Iamo na Tumpunto, kita mian anu, Nu potuu' susumo domba anu lewa' Nu laya'. Sinaa uuka aiya potombihing mae na potatae-Nyo:

MAZMUR 95:7 ပူးပေါင်းရင်းမြစ်များ

1 TAWARIKH 16:14

Tumpu aijo'mo na Tumpu Allah-nto, apaa na anu tinantukan-Nyomo saja' oganapi i songko-songko na dunia.

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 115:3

Tumpu-nto kiita' mae i suluga', Ia nombaumo apaa na anu tinanga'an-Nyomo.

MAZMUR 23:1

Mazmur i Daud. Tumpu sumomo samian anu saja'mo nolaya' aku, madi'mo ko anu kinulang hi belengku.

MAZMUR 48:14

Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

MAZMUR 67:6

O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

MAZMUR 79:13

Sahingga kami mian anu palesayamo hi Belento, domba anu, nulaya' nu Belento montalima kasemo hi Belento sampe toka sidu-sidutu', ka' mompuji'mo Belento sampe molundu-lundu na tulunan.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

AMSAL 8:6

Palahatikan na potataengku iwi-iwi', kalana iwi-iwi' aijo' madi' sala' ka' mule' ko angga'nyo.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

IBRANI 3:15

Aiyamo na anu tinulis i uno nu Kitab nu Tumpu, “De sinaa aiya komiu mohongomo potatae nu Tumpu, boli komiu panggaga, susumo mompolee' miu, tempo'nyo aha notomuhukmo hi Tumpu.”

IBRANI 4:7

Kalana Tumpu nontantukanmo sa'angu' na sinaa sangga'at mule', anu osanggohi “Sinaa Aiya”. Motau-taunmo na Tumpu nompoto'i han aijo' hi Daud, i uno nu ayat anu ingala ka' tinulis u'uka aijo', “De sinaa uuka komiu mohongomo potatae nu Tumpu, bolimo komiu panggaga.”

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.