MAZMUR 95:6 - KITAB NU TUMPU ALLA LELE MA'IMAI'

⁶ Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

MAZMUR 95:6 ပူးပေါင်းရင်းမြစ်များ

1 TOMU-TOMUNDO' 8:54

Sumo aijo' na i Salomo binalado'a, ia tinolodadupu i ahop nu mezbah ka' limanyo pinotalanyo nokiita'.

2 TAWARIKH 29:28

I Tomundo Hizkia ka' mule' to mia-mian anu i kiijo' tinolodadupumo monsombah Tumpu, hau-haunyo aijo' to mia-mian anu manyanyi sabole-bolemo, manyanyi ka' mule' to mia-mian anu mompahaikakon musik sabole-bolemo nompahaikakon musiknyo sahingga koloban haha aijo' iwi-iwi' singkapmo noangot.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

EZRA 9:5

Salatan malom-malom koloban sinombahkonmo, aku tinuminjomo aijo' i kinasuhanganku anu lewa' kinasusa'anku ka' tiba baju' anu nobea-beakmo, aku tinolodadupumo ka' nompotalamo lima nokii ta' hi Tumpu Allah-ngku.

AYUB 35:10

Panyo misa' toka hi Tumpu Allah, Anu nombau ia ka' anu timbali otaha'imani mombee'i apa-apaa de aha talalomo hondo susa',

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 139:13

Belento na nompotimbali toto sa'angu' na bagian nu butongku, ka' nontali'mo aku i uno nu ma'alum nu tinangku.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 72:9

Mian anu monjojoongi i padang tampat anu mateges matundu'mo hi ia ka' anu monsampobali ia tolodadupumo i ahop nu tengkenyo.

MAZMUR 95:1

Imbo' da kita manyanyi bau pompuji' Tumpu, montaligalai anu momposalamat kita!

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

ANU MOMPOLELE POTATAE NU TUMPU 12:1

O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang, anu ma'isa pe'e tinoka i taun-taun anu saja'mo sinansala. Tempo'nyo aijo' belemiu notataemo, “Kantumuu'aku madi' nohumpak kabilahian.”

YESAYA 17:7

Isinaa aijo' mian po ule'mo momoita tulung hi anu Nompotimbalimo ia, aijo'mo Tumpu Allah nu aha Israel anu susi'.

YESAYA 44:2

Akumo na Tumpu anu nompotimbalimo beleyum, anu nompojadimo beleyum salatanmo pe'e kiijo' ima'alum ka' anu nontulungimo beleyum. Boli mabuhuk, beleyumo na posaihon-Ku, mian anu pinile'an-Kumo ka' Ku kalibosi.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

DANIEL 6:10

Sahingga i Tomundo' Darius nontekengimo sulat palentah aijo'.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

MATIUS 4:9

Lantas Ibilis notataemo hi Yesus, “Iwi-iwi' aiya kubee'je hi Beleyum de Beleyum toloduku monsombah aku.”

MARKUS 14:35

I Yesus namba sangkiding majo'on lantas natidupumo i tano' ka' binalado'a. I uno nu do'a-Nyo pinoita-Nyo de timbali da Ia madi' mongoa'i kasansalaan aijo'.

LUKAS 22:41

Lapas aijo' Ia namba sangkiding majo'on lengkat hi aha, kila-kila kojo'onnyo sambunu'an batu.

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

SISIKON NU TO RASUL-RASUL 20:36

Salatan i Paulus ilapas na notatae, ia dinumaladupumo tiba aha iwi-iwi' lantas binalado'a.

SISIKON NU TO RASUL-RASUL 21:5

Panyo salatan ilapasmo na tempo'nyo kami jinojoong i kiijo', kami nompala'imo aha ka' nolausakon lajang kami. Aha iwi-iwi' hingga-hinggat tiba anak ka' bengkele' nu aha nomboa kami tinoka i sambiha' nu kota'. I kiijo' mae i biwi nu bone', kami iwi-iwi' dinumaladupumo ka' binalado'a.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

EFESUS 3:14

Mokonyo aitu aku tinolodadupumo i ahop nu Tuuma.

FILIPI 2:10

Jadi bau pongadati i Yesus, iwi-iwi' na malaikat kiita' i suluga' ka' anu i dunia, tiba anu i aluk nu dunia, monsombahmo Ia.

1 PETRUS 4:19

Kalana aijo', de daagi' ko to mia-mian anu mongoa'i kasansala'an kalana sumo aijo' na nu kahanda'i nu Tumpu, jadi bala usaha ahi' da mian haha aijo' tumuu' i uno nu kahondoan ka' mompalesayakonmo ahi' butong nu aha hi anu Nompotimbalimo aha. Ia saja' mongganapi janji'-Nyo.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

ANU PINOTO'I HI YOHANES 22:8

Aku, i Yohanes nohongomo ka' nontoamo iwi-iwi' aiya. Salatan aku nohongomo ka' nontoamo, aku dinumaladupumo i ahop nu malaikat anu nompoto'imo iwi-iwi' aijo' hi belengku, ka' aku kahanda' monsombahmo ia,