MAZMUR 94:23 - KITAB NU TUMPU ALLA LELE MA'IMAI'

²³ Ia mohukumo mian anu ma'idek na kinyonyoanyo sitimbang tiba palabuatan ma'idek anu binaunyomo, ka' mompomomo'mo nganga' nu aha kalana dosa' nu aha. Tumpunto mompomomo'mo nganga' nu aha.

MAZMUR 94:23 ပူးပေါင်းရင်းမြစ်များ

2 TOMU-TOMUNDO' 19:7

Nu bauje nu Tumpu hi tomundo' Asyur da mohongo sa'angu' na lele anu madi' totu'u sahingga ia ninsusule'mo i kampungnyo ka' i kiijo' mae ia opateimo.”

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

ESTER 9:25

Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

MAZMUR 109:20

O, Tumpu nabu'akonmo na hukuman aijo' hi mian anu montutuk mae aku, hi aha anu motatae mae ma'idek hi belengku.

MAZMUR 12:3

Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MAZMUR 64:8

Panyo nupana'akonmo nu Tumpu na pana'-Nyo mokiijo' hi aha, ka' monti-montiik ahi' aha belaonmo.

MAZMUR 7:16

Ia nongkekemo bolo' da manabu' na mian sangga'at, panyo posi iamo ahi' na nanabu' i unonyo.

AMSAL 1:31

Kalana aijo', belemiu montalimaje balosnyo apa-apaa na anu binaumo nu belemiu ka' sinin na tanga'an nu belemiu anu ma'idek.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

AMSAL 2:22

Panyo mian anu ma'idek na kinyonyoanyo ka' anu baladosa' nu alinmo nu Tumpu Allah i sambiha'nyo nu lipu' aijo', susumo hemput anu ogautmo i tano'.

AMSAL 5:22

Dosa' nu mian ma'idek susumo totumban anu nongkonamo posi mian aijo'.

AMSAL 5:23

Ia sinilaka kalana madi' nombatuki pokinde'. Kaponga'annyo nombau ia da i hansun.

YEREMIA 36:31

Beleyum tiba lee' nu beleyum tiba to mia-mian nu beleyum anu ko pangkatnyo Ku hukumo kalana dosa'-dosa' anu binaumo nu belemiu. Ku potokamo mae hi belemiu iwi-iwi' na balaa' anu toho'mo pinoto'ing-Ku hi belemiu, kalana mau beleyum kabai mian anu jojoong i Yerusalem tiba Yehuda madi'mo nompajuli apa-apaa na anu pinoto'ing-Ku.”

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

DANIEL 7:24

Anu sampulu' na tanduk haha aijo', aijo'mo na tomundo' aha sampulu' anu mompalentah saidi' mae kalaja'an aijo'. Lapas aijo' samian na tomundo' sangga'at tokamo mae; ia madi' hondo pokakana tiba to tomu-tomundo' anu momona, ka' ia na anu mompatundu' totolu' na tomundo'.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

TO MIA-MIAN KOPIAN 9:57

Ka' suele Tumpu nohukumo aha. Han aijo' madi'mo sinala' susumo anu tinaloakonmo i Yotam anak i Gideon aijo' mongkona aha tempo'nyo ia nontotobi'akonmo aha.