MAZMUR 94:21 - KITAB NU TUMPU ALLA LELE MA'IMAI'

²¹ Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

MAZMUR 94:21 ပူးပေါင်းရင်းမြစ်များ

1 TOMU-TOMUNDO' 21:19

ka' poto'i hi ia tukoong-Ku, Aku Tumpu mompoto'imo sumo uuka, 'Nompateimo, nongagoi mule'! Kalana aijo' baso' nu beleyum nu jila'imo nu dedeng i tampat pinonjila'ian nu dedeng baso' i Nabot!’ ”

2 TAWARIKH 24:21

Panyo mian da'isan sinangaja'mo monggagakon i Zakharia, ka' i Tomundo Yoas suele nosangaja'mo tiba kasangaja'an aijo'. Ia madi'mo nonginau' kanonongan anu binaumo i Yoyada tuuma i Zakharia hi ia. Pinalentahmo i tomundo, sahingga i Zakharia pinahambunu'akonmo nu batu sampe sinilakamo i popasan nu Laigan nu Tumpu. Salatan ia kahanda'mo mompoputus nyawanyo, i Zakharia daagi' notatae, “Ku amalakon da Tumpu montoa mae kalakuan ka' mombalosakon beleyum!”

MAZMUR 106:38

Aha nombubusakonmo baso' nu mian anu madi' kosala'nyo, baso' nu posi to ana-anak nu aha, da okolobanakon hi to pilo-pilogot; sahingga lipu' nu aha aijo', i ngedeanmo nu aha.

MAZMUR 22:16

Gogohongku notismo susumo kubengan nu palasilen jila'ku naningkampitmo i ngahangku. O Tumpu, pinala'ianmo nu Belento na aku aijo' i abu' susumo mian anu sinilakamo.

MAZMUR 56:6

Sansina-sinaa na mian anu monsampobali' mae aku mongusahakon da madi'mo mingkona na pikilanku mompotutugakon apa-apaa, saja'mo aha bala'usaha monsilakai mae aku.

MAZMUR 59:3

Polapasakon mae na aku da madi' nusilakai mae nu to mia-mian anu ma'idek na kinyonyoanyo, potumuu'akon mae na aku da madi' nusilakai nu to mia-mian anu lewa' mompatei.

NOSABATMO 23:7

Boli mompokona kasala'an anu madi' totu'u ka' boli monsaduakon mian anu madi' ko sala'nyo mohumpakmo hukuman opatei, kalana Aku madi' mompototu'u mian anu mombau ka'idekan sumo aijo'.

AMSAL 1:11

De bisuannyo aha motatae, “Imbo', da kita molio mian ka' obandahi na ia. Imbo' da osoba-sobanto o tumbuhintomo na mian anu madi' ko sala'nyo.

AMSAL 1:16

Aha madi' moko ala momohokot de ma'isa mombau anu ma'idek. Aha ko tanga'an da sampamo mompatei.

AMSAL 17:15

Tumpu mongka'ideki mian anu mompototu'u mian anu palaganta; ka' mompisala'i mian anu madi' kosala'nyo.

YEREMIA 26:15

Panyo jaga ahi', de belemiu mompateimo mae aku, belemiu tiba mian anu jojoong ikota' aiya montanggungimo kasala'an kalana nompateimo mian anu madi' ko sala'nyo. Kalana Tumpu ahi' na nonsaimo mae aku da mompokinde'i belemiu.”

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:6

Iwi-iwi' na to pola-polaya' nu aha Israel ola saja' mongkatabunakon posi kahosonan nu aha ka' saja' mompatei.

DANIEL 6:8

Kami iwi-iwi' anu mongulus kalaja'an nu belento Tuanku mau anu montoa pakalaja'an nu gubernur-gubernur maumo suele to gubernur-gubernur to waki-wakin nu gubernur tiba to paga-pagawe sangga'at momoita hi belento Tuanku da obee'i mae sulat palentah anu tionyo ahi' otuluti totu-totu'u. Tionyo ahi' belento Tuanku mombee'i mae palentah anu kopinnyo tolumpulu' na sinaa na madi' timbali ko samian pe'e timbali mompotoka poitaon hi sala' samian na pilogot kabai hi manusia, malaingkan samata-mata ahi' ola hi belento Tuanku. Ihe na anu molanggai palentah aijo', ia olumbu'akonmo iliang nu singa.

MATIUS 27:1

Subu-subu hondo, iwi-iwi' na Kapala nu to Ima-imam, ka' polaya' nu Yahudi nombaumo sa'angu' na kaputusan da o pateimo na i Yesus.

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

YAKOBUS 5:6

Komiu nohukummo ka' nompateimo to mia-mian anu madi' ko sala'nyo, ka' aha madi' nongewa komiu.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.