MAZMUR 94:2 - KITAB NU TUMPU ALLA LELE MA'IMAI'

² Pobungkutmo, o mian kopian nu dunia songko-songko, hukumo na mian anu takabun sitimbang tiba palabuatan nu aha.

MAZMUR 94:2 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

MAZMUR 31:23

Salatan aku biningongmo aku nonsangkamo Tumpu nongalinmo aku da majo'onmo hi ahop-Nyo. Panyo ihongo-Nyomo ahi' mae na anu kinakase'kumo tempo'nyo aku nomoitamo tulung hi Ia.

MAZMUR 50:6

Langit nompoitamo da Tumpu na momputusi palakala nu mian anu palesayamo hi Ia ka' da Iamo ahi' na timbali mian kopiannyo.

MAZMUR 68:1

Anu mongkapalai panyanyi. Mazmur i Daud.

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 74:22

Pobungkutmo mae o, Tumpu, tinjohi mae na palakala nu Belento! Kalana sansina-sinaa saja' o'alu na Belento nu to mia-mian anu madi' palesayamo hi Belento.

MAZMUR 82:8

Tokamo mae o Tumpu, bee'i mae kaputusan na dunia aiya, kalana iwi-iwi' na bansa Belento na Tumpu-Nyo.

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MIKHA 5:9

Tumpu notatae, “Toka itempo'nyo aitu Ku hopu'imo na ajahan nu belemiu iwi-iwi' ka' mule' Ku hansunimo na to kare-kareta nu belemiu anu bau pahampate.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”