MAZMUR 92:7 - KITAB NU TUMPU ALLA LELE MA'IMAI'

⁷ Mian anu ponga' madi' hondo moko ala monsumbu' mian anu waweng madi' moko ala mompangalatii.

MAZMUR 92:7 ပူးပေါင်းရင်းမြစ်များ

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

MAZMUR 37:38

Panyo mian anu baladosa' saidi' mae osilakaimo; lee' nu aha saidi mae ogalisimo.

MAZMUR 73:12

Sumo aijo'mo na kalakuan nu mian anu ma'idek na kinyonyoanyo; kantumuu'an nu aha tenda, halata' nu aha ko pintu-pintuangnyomo.

MAZMUR 73:22

aku pinonga'mo ka' madi'mo nangalati' aku sumomo binatang i ahop nu Belento.

MAZMUR 94:4

Aha lewa' montaloakon potatae anu ma'idek, ka' lewa' mongkabubulakon palabuatan ma'idek anu binaumo nu aha.

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

YESAYA 37:27

Aha to mia-mian anu jojoong ikiijo' mae madi'mo daagi' moko ala batanga' mombau apa-apaa; aha tolokengkengmo ka' mabuhukmo. Aha sumomo hemput i padang kabai hemput anu tumuu' aita' ibuan nu atop anu manggasmo de nupuhimo nu mombun anu lengkat mae i sasu kabete'an anu mapanas.

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

1 PETRUS 1:24

I uno nu Kitab nu Tumpu tinulismo sumo uuka, “Iwi-iwi' na manusia sumo hemput, ka' iwi-iwi na katalasanggoannyo sumo buhak nu hemput. Hemput mangkaluale, buhaknyo suele mohontang;