MAZMUR 92:6 - KITAB NU TUMPU ALLA LELE MA'IMAI'

⁶ Talalo hondo daka' na hahan anu binaumo nu Belento, O, Tumpu, talalo hondo maleeng na pikilan nu Belento!

MAZMUR 92:6 ပူးပေါင်းရင်းမြစ်များ

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 139:14

Ku puji' na Belento kalana aku talalo ahi' ma'ima'! Iwi-iwi' na anu binaumo nu Belento okahelani ka' talalo ahi' okabangangi, totu-totu'u ku sumbu' na han aijo'.

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

MAZMUR 32:9

Boli mule' ahi' susumo ajahan anu madi' ko pikilannyo, anu tionyoje ahi' opotiju' nu tambangnyo tiba kahohon da montuluti.”

MAZMUR 49:10

da ia madi' silaka ka' daagi' timbali tumuu' sampe toka sidu-sidutu'.

MAZMUR 73:22

aku pinonga'mo ka' madi'mo nangalati' aku sumomo binatang i ahop nu Belento.

MAZMUR 75:4

Bisuannyo tano' tiba iwi-iwi' na anu jojoong i unonyo gayu'anmo Aku na mompo'ule' mompohoson ohi'nyo iwi-iwi'.”

MAZMUR 94:8

O, bansangku, boli ponga' susumo aijo', saba' ogunakon ahi' na pikilan nu beleyum!

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 24:7

Mian anu ponga' madi' moko ala monsumbu' kapandean bapikin. Ia madi' moko ala montaeakon apa-apaa de mian hau-haunyo mombisalakon hahan anu penting.

AMSAL 30:2

Pinonga'mo na aku susumo binatang; madi'mo ko anu opi sumbu-sumbu.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YESAYA 55:9

Sumo kotangkasnyo nu langit i buan nu tano' sumo atina'mo na kotangkasnyo nu pikilan-Ku molingkudui pikilan miu, ka' jalan-Ku molingkudui jalan nu belemiu.

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.