MAZMUR 92:5 - KITAB NU TUMPU ALLA LELE MA'IMAI'

⁵ Kalana palabuatan nu Belento momposanang hondo kinyonyoang-Ku, aku lame' hondo na manyanyi kalana montoa kalaja nu Belento.

MAZMUR 92:5 ပူးပေါင်းရင်းမြစ်များ

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 111:2

Totu-totu'u okabangangi hondo na apa-apaa anu binaumo nu Tumpu, pantasmo na oselidiki nu to mia-mian anu mongka'ima'i.

MAZMUR 139:17

Talalo hondo susa' na aku monsumbu' pikilan nu Belento, O, Tumpu, ka' talalo hondo manjoo' na ngangahannyo!

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

MAZMUR 64:6

Aha jinunjuhi'mo i tanga'an nu aha anu ma'idek hondo, ka' basale'mo da mompokonamo so'o; koonyo nu aha madi' koanu montoa.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

ANU MOMPOLELE POTATAE NU TUMPU 7:24

Ihe na moko ala mohumpak alati'nyo nu kantumuu'an aiya? Talalo hondo susa' na mompangalati'i.

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!