MAZMUR 92:14 - KITAB NU TUMPU ALLA LELE MA'IMAI'

¹⁴ Aha sumomo kau' anu sinu'an kiijo' i Laigan nu Tumpu, ka' nodensu'mo na kodaka'nyo kiijo' i Laigan nu Tumpu Allah-nto.

MAZMUR 92:14 ပူးပေါင်းရင်းမြစ်များ

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 46:4

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

YEREMIA 17:8

Ia sumomo ahi' kau' isonibi nu kaunyo anu mo'ili, bakatnyo mo insu'mo toka-tokamo mokiijo' i uee. Ia na madi' ahi' mongkabuhuk tempo' nu posinaa, honnyo saja' molunou. Maumo ahi' lipu' nu tokaimo mae nu posinaa, ia na madi' ahi' mangada' kalana ia na saja' ahi' mimbua'.

YEHEZKIEL 47:12

Tutus poti-potimbiha' na sonibi nu kaunyo aijo' tinumuu'mo na ngangahan nu kau' anu okaan nu bua'nyo. Honnyo nu kau' aijo' madi' toho' magayou ka' bua'nyo madi' kokamingkotannyo. Kau' haha aijo' saja' mimbua' bua'nyo anu salaje mule' sambitu'on toka sambitu'on, kalana uee anu monguei nolengkat mae i Laigan nu Tumpu. Bua'nyo haha aijo' timbali kaanon ka' honnyo mule' haha aijo' mingguna bau pakuli'.”

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.