MAZMUR 92:10 - KITAB NU TUMPU ALLA LELE MA'IMAI'

¹⁰ Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

MAZMUR 92:10 ပူးပေါင်းရင်းမြစ်များ

MAZMUR 101:8

Sansinaa toka sansinaa na aku lewa' mompatei to mia-mian anu ma'idek na kinyonyoa i uno nu lipu' aiya. Iwi-iwi' na mian anu nombaumo han anu ma'idek ku pateimo da madi'mo ko anu jojoong i uno nu kota' nu Tumpu.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 132:17

I aiyamo na lee' i Daud samian, Ku potimbalimo tomundo'; kapalentahannyo Ku potataapmo.

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 18:15

Ia nompana'akonmo pana'-Nyo iwi-iwi' ka' nomposungkehetmo sampobali'-Nyo; Ia nompo'uli-ulitmo kilatnyo pinoji-pojihinjit, ka' aha nopalaimo.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 75:10

Panyo aku sabole-boleh saja' mombebakon Tumpu i Yakub, monyanyi, nyanyian anu bau pompuji' Ia.

MAZMUR 89:17

Sansina-sinaa aha sanang na kinyonyoanyo ka' sabole-boleh palesaya, kalana kanonongan nu Belento.

MAZMUR 89:24

Iwi-iwi' na anu monsampobali' ia Ku pateimo, Ku patei maumo pa' ihe na anu mongka'ideki ia.

NOMBILANGMO 23:22

Tumpu Allah anu nomboamo mae aha nosabat lengkat mae i Mesir; sumo sapi' anu ma'ela', Ia nahantandukmo nonsangaja'i aha.

NOMBILANGMO 24:8

Tumpu Allah anu nomboamo mae aha nosabat lengkat i Mesir, sumomo sapi' anu ma'ela' Ia nahantandukmo kalana monjagai kita. Iwi-iwi' na bansa anu monsampobali' saidi' mae mingkot na ilonyom-Nyo, iwi-iwi' na buku nu aha i hutean-Nyo ka' iwi-iwi' na pana' nu aha pinahapato'akon-Nyo.

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”