MAZMUR 92:1 - KITAB NU TUMPU ALLA LELE MA'IMAI'

¹ Nyanyian anu onyanyi i sinaa nu Sabat.

MAZMUR 92:1 ပူးပေါင်းရင်းမြစ်များ

MAZMUR 107:1

“Montalima kaseh hi Tumpu kalana Ia manonong, kalibosan-Nyo sampe toka sidu-sidutu'.”

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 135:3

O puji' na Tumpu, kalana Ia manonong, o puji' na sanggo-Nyo, kalana Ia madi'.

MAZMUR 147:1

Opuji' na Tumpu! Kalana lebe ma'ima' mompuji' Ia, ka' momposanang de monyanyiakonmo bau pompuji' ia!

MAZMUR 33:1

O to mia-mian anu bala iman hondo, pontaligalaimo ka' lame'mo kalana nongoa'imo apaa na anu binaumo nu Tumpu; tionyo ahi' na mian anu madi' tageo' na kinyonyoanyo mompuji-puji' Tumpu.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 52:9

“Aijo'mo na mian anu madi' mihohung' hi Tumpu, panyo montaha'imani kakaya'annyo anu nanjoo'mo hondo ka' moliomo kasangan ibalang anu sola' ingagoannyo hi mian.”

MAZMUR 54:6

Panyo Tumpu atina'mo na anu montulungi mae aku; Tumpu na montinjohi mae aku.

MAZMUR 73:28

Panyo de belengku na totu-totu'u ahi' ma'ima' hondo na jojoong koko hi Tumpu. Tumpu na ku bau tampat pihohunganku da aku moko ala mombebakon iwi-iwi' apaa na anu binau-Nyomo.

MAZMUR 82:6

Aku notataemo tukoongku belemiu aiya sipatnyo sumo Tumpu belemiu iwi-iwi' to ana-anak nu Tumpu Anu Daka' na Kuasa-Nyo.

MAZMUR 92:8

Ku gantang mian anu palaganta tumuu'mo molumba' susumo hemput, ka' mian anu ma'idek na kinyonyoanyo mompaka kayamo ka' mompaka bilahimo; panyo aha opateimo madi'mo ko anu opotuha',

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

EFESUS 5:19

Opake na potatae nu Mazmur, nyanyian pompuji-puji' ka' elok nu nyanyian rohani, i uno nu beleyum ko basi-basisik. Maunyo ahi' komiu mingkinyonyoa lame' na manyanyi mompuji' Tumpu.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

IBRANI 4:9

Jadi, kona hi mian anu palesayamo hi Tumpu daagi' ko janji' da mingkain susumo Tumpu ningkainmo i sinaa ko popitu'nyo aijo'.