MAZMUR 91:5 - KITAB NU TUMPU ALLA LELE MA'IMAI'

⁵ Beleyum bolimo mabuhuk i balaa' anu toka mae pihi, kabai anu saintolo-tolo montumbuhimo mae sinaa;

MAZMUR 91:5 ပူးပေါင်းရင်းမြစ်များ

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

AYUB 6:4

Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

MAZMUR 112:7

Ia madi' mabuhuk na mohumpak lele anu ma'idek, kinyonyoanyo mahoson kalana palesaya hi Tumpu.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

NYANYIAN ANU TALASANGGO 3:8

anu monsumbu'mo mosia na mahampate. Aha iwi-iwi' nontakosmo bajak, sasadiamo mongahopi mian anu montumbuhi mae de maluannyo pihi.

YESAYA 21:4

Kinyonyoangku madi'mo sinanang; ku oa'i na buhukmo ka' mule' aku ilakatnyomo. Pihi anu saja ku ina-inau' ola mule' ahi' nompopangada' mae kinyonyoangku.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 12:39

O inau' na aiya! De nusumbu' nu tumpu nu bonua jam sangkuka na anu mombuling toka, nu jagaimo da anu mombuling toka madi' minsoop i uno nu laigannyo.

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”