MAZMUR 91:3 - KITAB NU TUMPU ALLA LELE MA'IMAI'

³ Ia na molapasakon beleyum da madi' nukona nu kasilakan anu opohowini, ka' panyakit anu momboa kasilakan.

MAZMUR 91:3 ပူးပေါင်းရင်းမြစ်များ

2 SAMUEL 24:15

Sahingga Tumpu nompotokamo mae panyakit anu molele hi aha mian nu Israel lengkat pe'e daagi' subu sangkut tinoka i tempo' anu tinantukan-Nyomo. Songko-songko na Israel aha 70.000 na mian anu silaka.

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

MAZMUR 124:7

Kita sumomo tomonsi' anu nolapasmo i so'o nu mian anu kahanda' mohakop, so'o aijo' nobotu'mo, lantas kita nolapasmo!

MAZMUR 141:9

Jagaiakon mae na aku da madi' nukona nu so'o anu pinokona pohakop aku, nu talong nu mian haha aijo' anu ma'idek na kinyonyoanyo.

MAZMUR 68:21

Tumpu-nto aijo'mo na Tumpu anu momposalamat, Ia na mompobebasmo kita da madi' sinilaka.

MAZMUR 91:6

kabai balaa' anu toka mae salatan pintungmo, kabai kasilakan anu montokai mae sonsu'un sinaa.

AMSAL 6:5

Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.

AMSAL 7:23

madi'mo pin hihis nu pana' molampasmo atenyo. Susumo tomonsi' laha-lahap montujuimo so'o, sumo aitumo na olitau aijo' madi' nu sumbu' na butongnyo mohumpakmo kasilaka'an.

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

HOSEA 9:8

Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

AMOS 3:5

Te toho' mule' tomonsi' nu kona nu so'o de so'o ma'isa pinokona? Te toho' mule' so'o kangkehusan de madi' ko anu nu kona?

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.