MAZMUR 91:13 - KITAB NU TUMPU ALLA LELE MA'IMAI'

¹³ Beleyum so' moliu-liu ulo ka' singa, mompeja'mo anak nu singa ka' ulo anu ko bisa'nyo.

MAZMUR 91:13 ပူးပေါင်းရင်းမြစ်များ

AYUB 5:23

Ale' anu nu pajekomo madi'mo ko batunyo; binatang anu ma'ela' madi' toka mae mompoposia beleyum.

MAZMUR 58:4

Mian anu ma'idek na kinyonyoanyo madi'mo tinalakana' salatanmo pe'e mae i kompong nu tinanyo aha nongakalimo salatanmo pe'e i hampe.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

MARKUS 16:18

De aha montoongi ulo kabai monginum lasung, aha madi' mohumpak kasilaka'an. De aha mompotiik lima i to mia-mian masakit, mian haha aijo' ma'alin.”

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

ROMA 16:20

Tumpu anu mombee'i ka'ima'an hi mian, malia'mo mompotundu' Ibilis i aluk nu kakuasa'anum, ka' mohopu'imo ia. O amalakon da to Utu-utus saja' Nubalakati Yesus Kristus Tumpunto!

ROMA 3:13

Gogohong nu aha sumo kubun anga-anga'. Pangakali ka' baleko' nu aha mo'ili lengkat mae i jila' nu aha, ka' biwi nu aha monsabatakon pitana', sumo bisa nu ulo.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”