MAZMUR 91:12 - KITAB NU TUMPU ALLA LELE MA'IMAI'

¹² Aha mohangkatmo beleyum i pala nu lima nu aha, da tengke nu beleyum boli tosumpun i batu.

MAZMUR 91:12 ပူးပေါင်းရင်းမြစ်များ

AYUB 5:23

Ale' anu nu pajekomo madi'mo ko batunyo; binatang anu ma'ela' madi' toka mae mompoposia beleyum.

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

AMSAL 3:23

Beleyum mamba pa' moya madi' ko anu mopoposia ka' madi' tosumpun.

YESAYA 46:3

Potombihing mae na Aku, o, mian lee' mae i Yakub, belemiu iwi-iwi' anu tinontuha' na mian anu palesayamo hi beleng-Ku. Aku nompotuu'mo belemiu, salatanmo pe'e belemiu ihampemo.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

MATIUS 4:6

Lantas aijo' Ibilis notataemo hi Ia, “Te Beleyum misa' Anak nu Tumpu? Desumo aijo' pingkanabu' mokaiyong; kalana i uno nu Kitab nu Tumpu tinulis sumo uuka, ‘Tumpu monsaije to mala-malaikat-Nyo monjagai Beleyum, aha molabotje Beleyum nu lima nu aha da Tengkeum madi' tonsumpun i batu.’ ”

LUKAS 4:11

Ka' mule', ‘Limaje nu to mala-malaikat na monsingkom de tengke-Um tosumpun i batu.’ ”