MAZMUR 90:8 - KITAB NU TUMPU ALLA LELE MA'IMAI'

⁸ Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

MAZMUR 90:8 ပူးပေါင်းရင်းမြစ်များ

AYUB 10:14

Nu jagai na aku dumo mamanga mombaumo kasala'an, da madi' nu bee'nu Belento na ka'ampunan.

AYUB 34:21

Kantumuu'an nu manusia ia na monjagai Nutoa iwi-iwi' na kolangka-langkas nu manusia.

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

MAZMUR 109:15

Bakas da dosa' nu aha saja' nu inau' nu Tumpu, ka' madi'mo ko anu lewa' montutugi' aha i dunia.

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

MAZMUR 80:16

Posalamat mae na mian anu sumomo kau' anggur anu posi Belento na nosu'an, ka' sumpenyo nu anggur anu pinohosonmo nu Belento.

AMSAL 5:21

Tumpu montoa apa-apaa na anu binau mo nu manusia. Maumo mamba moya na manusia, Tumpu mompopiakon.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 2:22

Maunyomo ahi' beleyum mindi' ka' minsabung manjo-manjoo' Panyo kotolan-kotolan nu kasala'an nu beleyum na daagi' ahi' Ku toa.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEHEZKIEL 8:12

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu binaumo nu to pola-polaya' nu Israel pohowini nu aha na mombau aijo'? Aha monsombah i unonyo aijo' kalana koonyo nu aha Aku nompala'imo lipu' aiya, ka' madi' mule' montoa palabuatan nu aha.”

IMAMAT 4:23

saba' sampa malia-lia' de osumbu'mo, ia tionyo ahi' mongkolobanakon sa'angu' na mee' lakinyo anu madi' ko panyakitnyo da bau pongampuni dosa'nyo.

IMAMAT 4:28

saba' sampa lia-lia' de osumbu'mo ia tionyo ahi' mongkolobanakon sa'angu' na mee' behenyo anu madi' ko panyakitnyo.

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 YOHANES 3:20

Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.